Puigortunngortunut atuakkat

Rosemarie Elsner peqqissaasutut ilinniarsimasoq, puigortunngortunut atuakkanik marlunnik saqqummersitsisimavoq. Atuakkat taakku borgmesterinut tallimanut politikkikkut ataqatigiissaarisoqatigiit Ilulissani ataatsimiinneranni tunniunneqarput.

Jess Svane, Isumaginninnermut, Sulisoqarnermut, Nunamullu Namminermut Naalakkersuisoq: "Rosamarie Elsnerip puigortunngortunut atuakkiai marluk ingerlateqqissinnaangakkit nuannaarutingaara. Atuakkat eqqamaasitsilersinnaassasut taamalu puigortunngortut inuunerinnerulernissaannik kinguneqassasut neriuutingaara".

Rosamarie Elsner atuakkanut taakkununga marlunnut atuakkiortoq: "Puigortunngortut pillugit ukiuni 25-ni ilinniartitsisarpunga. Eqqaamasat pillugit (reminiscens) ilinniartitsinermi assilissat kalaallit kulturiniik ulluinnarsiutaannillu tunngasut amigaatigisimavagut, kalaallit puigortunngortut uummarissaatigissavaat atungaannillu ersersitsisuullutik."

Reminiscens tassaavoq malugissutsit uummarissarlugit eqqaamasitsitsilerniarnermik periaaseq, taamaaliornikkut puigortunngortut kinaassusaannik inuunerissaarnerannillu patajaallisaataassalluni.

Atuakkat utoqqarnut sullissisunut, peqqinnissaqarfimmi Nunatsinni tamarmi illoqarfinni nunaqarfinnilu angerlarsimaffinni ikiortinut Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik suleqatigalugu akeqanngitsumik tunniussuunneqarput.

Allanik paasissutissanik pisariaqartitsiguit Naalakkersuisup allattaa attavigeqarfigiuk, Helene S. Pedersen oqarasuaat 345611 immaqaluunniit mailikkut hspd@nanoq.gl atorlugit