AtuartigukImminut toqunnissamik pinaveersaartitsineq pillugu periusissiaq saqqummiunneqassaaq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut imminut toqunnissamik pinaveersaartitsineq pillugu periusissiartik tamanut saqqummiullugulu periusissiami anguniakkat aallartissavaat.
Periusissiaq qulequtaqarpoq: “Qamani – Imminut toqunnissamik pinaveersaartitsineq pillugu periusissiaq 2023-2028”. Periusissiaq nunarsuarmi imminut toquttarneq pinaveersaartinniarlugu siorna ullorititami, tassa septembarip quligani, qinikkanut saqqummiunneqarpoq.
Naalakkersuisut Siulittaasuat, Múte Bourup Egede aamma Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede ammaanermi ilaatigut oqalugiassapput.
“Periusissiami inuusuttut misilittagaat pisariaqartitaallu qitiutinneqarsimapput. Inuusuttut innersuussutaat tusarnaaqqissaarsimavagut. Inuusuttut sapiissuseqarlutik ajornarnerpaat qajannannerpaallu pillugit oqaluttuarsimapput. Paquminartut paquminarunnaarsillugit. Inuusuttut oqariartuutaat periusissiamik annertuumik pisariaqartumillu pilersitseqataammata qujaffigerusuppakka”, Múte Bourup Egede ilaatigut oqarpoq.
Periusissiaq Ilulissani kikkut tamarmik peqataaffigisinnaasaannik kulturikkut illorsuarmi, Sermermiuni, marlunngornermi februaarip 20-anni, nalunaaqutaq 19-21 saqqummiunneqassaaq.
Periusissiamik saqqummiussineq Naalakkersuisut Facebookikkut qupperneratigut toqqaannartumik aallakaatinneqassaaq.
Inuusuttut oqariartuutaat MIO-p nalunaarusiaaneersut, uannga: Qamani – Inuusuttut Nunatsinni Imminut Toquttarnermut Pinaveersaartitsinissamik Innersuussutaat Qamani – Periusissiamut ilanngunneqarput.
Immitsinnut soqutigeqatigiitta qanorlu innitsinnik aperisarluta. Taamaallaammi ataatsimoorluta suleqatigiikkutta imminut toquttarnerup ajornartorsiutaanera peersissinnaavarput, Aqqaluaq B. Egede oqarpoq.
Suliniutini qulequttat sisamat pingaarnerit tassaapput:
Saaffiginninnissamut periarfissat
Innuttaasunik akuutitsineq
Atuarfinni iliniarfinnilu toqqissisimaneq ilorrisimaarnerlu
Paquminartuiaaneq
Periusissiaq uani atuarsinnaavat
Kisimiittutut misigiguit oqaloqateqarnissamilluunniit pisariaqartitsiguit Tusaannga 80 11 80-imut sianerfigisinnaavat 18 99-imulluunnit SMS-erlutit.
Paasisaqarnerujumagaanni Naalakkersuisut allattaat saaffigineqarsinnaapput:
Niels Dorph, allatsit@nanoq.gl, 34 50 00
Rosa Thorsen, rose@nanoq.gl, 34 50 00
Periusissiaq qulequtaqarpoq: “Qamani – Imminut toqunnissamik pinaveersaartitsineq pillugu periusissiaq 2023-2028”. Periusissiaq nunarsuarmi imminut toquttarneq pinaveersaartinniarlugu siorna ullorititami, tassa septembarip quligani, qinikkanut saqqummiunneqarpoq.
Naalakkersuisut Siulittaasuat, Múte Bourup Egede aamma Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede ammaanermi ilaatigut oqalugiassapput.
“Periusissiami inuusuttut misilittagaat pisariaqartitaallu qitiutinneqarsimapput. Inuusuttut innersuussutaat tusarnaaqqissaarsimavagut. Inuusuttut sapiissuseqarlutik ajornarnerpaat qajannannerpaallu pillugit oqaluttuarsimapput. Paquminartut paquminarunnaarsillugit. Inuusuttut oqariartuutaat periusissiamik annertuumik pisariaqartumillu pilersitseqataammata qujaffigerusuppakka”, Múte Bourup Egede ilaatigut oqarpoq.
Periusissiaq Ilulissani kikkut tamarmik peqataaffigisinnaasaannik kulturikkut illorsuarmi, Sermermiuni, marlunngornermi februaarip 20-anni, nalunaaqutaq 19-21 saqqummiunneqassaaq.
Periusissiamik saqqummiussineq Naalakkersuisut Facebookikkut qupperneratigut toqqaannartumik aallakaatinneqassaaq.
Inuusuttut oqariartuutaat MIO-p nalunaarusiaaneersut, uannga: Qamani – Inuusuttut Nunatsinni Imminut Toquttarnermut Pinaveersaartitsinissamik Innersuussutaat Qamani – Periusissiamut ilanngunneqarput.
Immitsinnut soqutigeqatigiitta qanorlu innitsinnik aperisarluta. Taamaallaammi ataatsimoorluta suleqatigiikkutta imminut toquttarnerup ajornartorsiutaanera peersissinnaavarput, Aqqaluaq B. Egede oqarpoq.
Suliniutini qulequttat sisamat pingaarnerit tassaapput:
Saaffiginninnissamut periarfissat
Innuttaasunik akuutitsineq
Atuarfinni iliniarfinnilu toqqissisimaneq ilorrisimaarnerlu
Paquminartuiaaneq
Periusissiaq uani atuarsinnaavat
Kisimiittutut misigiguit oqaloqateqarnissamilluunniit pisariaqartitsiguit Tusaannga 80 11 80-imut sianerfigisinnaavat 18 99-imulluunnit SMS-erlutit.
Paasisaqarnerujumagaanni Naalakkersuisut allattaat saaffigineqarsinnaapput:
Niels Dorph, allatsit@nanoq.gl, 34 50 00
Rosa Thorsen, rose@nanoq.gl, 34 50 00