AtuartigukNuussuup qeqertaasaani ukiuunerani tuttunniarneq ingerlaannaq unitsikkallarneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Matumuuna Aalisarnermut Piniarnermullu Naalakkersuisoqarfimmiit nalunaarutigineqassaaq Nuussuup qeqertaasaani ukiuunerani tuttunniarneq tamarmi ingerlaannaq unitsinneqarallarmat.
Unitsitsigallarneq peqquteqarpoq paasineqarsimammat qamutit motoorillit atorlugit tuttunniartoqarsimammat aammalu ilaatigut tuttut pisarineqarsimasut quttoraaginnarlugit qimaannarneqartarsimammata. Unitsitsigallarneq atuutissaaq suliap qanimut misissorneqarnerani.
Nalunaarut atuuttoq tunngavigalugu qamutit motoorillit tuttunniarnermi atorneqarnissaat inerteqqutaavoq, aamma tuttup nerineqarsinnaasortai tamarmik angerlaanneqartussaallutik.
Sukumiinerusumik paasisaqarusukkaanni immikkoortortaqarfimmi pisortaq Amalie Jessen – amalie@nanoq.gl og tlf. 345304 saaffiginnittoqarsinnaavoq.