AtuartigukAalisarneq pillugu Siunnersuisoqatigiinni QAK siulittaasunngorpoq
Nassiussisuuvoq: Aalisarnermut Piniarnermullu Naalakkersuisoqarfik
Aalisarneq pillugu Siunnersuisoqatigiit ataatsimiinneranni ulloq 2. februar 2024 aalajangerput, aalisarnermut kattuffik QAK siulittaasunngussasoq. Siulittaasoqarnermi nikinneq KNAPK-miit Vittus Qujaukitsoq-miit QAK-mut Mikkili Skourup-mut nuunneqarpoq. Massakkut Aalisarneq pillugu Siunnersuisoqatigiit pingasunik ilaasortaqarput ukuusunik, GE (Kalaallit nunaanni Sulisitsisut), KNAPK (Kalaallit Nunaanni Aalisartut Piniartullu Kattuffiat) aammalu QAK (Qalerualinniat Aalisagarniallu Kattuffiat)
Aalisarneq pillugu Siunnersuisoqatigiit pingaarutilimmik inissisimapput, Naalakkersuisunut aalisarnermut tunngassuteqartunik aalajangersimasunik siunnersuisarlutik. Kalaallit Nunaanni aalisarnermut ukioq una pingaaruteqartorujussuuvoq, aalisarnermut inatsisissaq oqaluuserineqartussaavoq tassungalu attuumassuteqartut nalunaarutit aamma Aalisarnermut Pilersaarutit.
Siunnersuisoqatigiit suleriaasiat nutaaq tunuliaqutaralugu ullormut ataatsimiinneq ingerlanneqarpoq. Naalakkersuisut nittartagaatigut Suleriaaseq nutaaq kiisalu ataatsimiinnermi imaqarniliat takuneqarsinnaapput. Aalisarneq pillugu Siunnersuisoqatigiit suleriaasianni ilaasortat aamma taaseqataasinnaanatik ilaasortat takuneqarsinnaapput.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl