AtuartigukSunngiffimmi sinerissap qanittuani saarullinniarnermi maleruagassat nutaat
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut februaarip aappaanni 2024-mi sunngiffimmi sinerissap qanittuani saarullittassaat 1.500 tonsit aalajangerpaat aamma saarullinniarnermut maleruagassat sukaterlugit.
Innuttaasut namminneerlutik sutugassaminnik saarullinniarsinnaapput.
Sunngiffimmi aalisartut aalisarnerminni atortui aamma killeqalerput, aalisarnerminni taamaallaat oqummersat amuartaatillu, snelle, kisiisa atorsinnaalissallugit.
Sunngiffimmi aalisartup akuersissutaatini decembarip aallaqqaataatinnagu atorsimanngippagu ukiumi tulliuttumi akuersissutissaanik tunniussisoqarsinnaanngilaq.
Taamaalillutik sunngiffimmi aalisartut tunisisartut akuersissutit pisassiissutillu pillugit nalunaarummi piumasaqaatit naapertorlugit akuersissuteqartassapput, akuersissutit tunniunneqarnerannut atuuttoq, atuinissaq pillugu piumasaqaammut aamma naammassinnittariaqarlutik.
Sunngiffimmi aalisartut inuussutissarsiutigalugu aalisartunngorusullutik kissaateqartut Akuersissutit Pisassiissutillu pillugit nalunaarummi paragraf 22 naapertorlugu kommuniminni qinnuteqarsinnaapput.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl