AtuartigukMeeqqanut aamma ilaqutariinnut Sullissiviit, Ilaqutariit illui aamma Qimarnguiit pillugit nalunaarut nutaaq 1. februar 2024 atuutilissaaq
Nassiussisuuvoq: Meeqqanut Inuusuttunullu Naalakkersuisoqarfik
Meeqqanut aamma ilaqutariinnut Sullissiviit kiisalu ilaqutariit illui pillugit aalajangersakkanik nutaarluinnarnik nalunaarut imaqarpoq. Qimarnguiit pillugit aamma aalajangersakkanik ullutsinnut naleqquttunik imaqarpoq.
Angajoqqaat meeqqanik sumiginnaasarnerat pillugu Nuna tamakkerlugu iliuusissatut pilersaarummi 2020-2030-mi kiisalu Kalaallit Nunaanni meeqqanut inuusuttunullu atugarliortunut pitsaanerusumik suliniuteqarnissaq pillugu kalaallit qallunaallu oqartussaasoqarfiisa assigiinngitsunik suliallit akornanni suleqatigiinnermi 2020-2023-mi kommunit ilaqutariinnut sullissiviisa ilaqutariillu illuisa patajaallisarneqarnissaat innersuussutigineqarpoq.
Nutaamik inatsisitaarnikkut pingaaruteqartumik alloriartoqarpoq.
Inatsisartut 2023-mi Ukiakkut ataatsimiinneranni meeqqat tapersersorneqarnissaat pillugu inatsimmik allannguisoqarnissaa pillugu inatsit akuersissutigineqarpoq taannalu nalunaarut nutaaq atuutilersinneqarpoq.
”Pingaartumik meeqqanut, inuusuttunut ilaqutariinnullu atugarliortunut mianernartuusunulluunniit najukkami suliniutit pingaaruteqarput annertullutillu. Nalunaarut nutaaq inatsisitigut tunngaveqarnermik qulakkeerinnissaaq. Pingaartumik erseqqissaassutigissavara ilaqutariinnut sullissiviit ilaqutariillu illui meeqqanut, inuusuttunut ilaqutariinnullu, tassunga ilanngullugit ilaqutariinngulersunut, meeqqat inuusuttullu inuttut atugarliortut imaluunniit immikkut ittunik pisariaqartitaqartut immikkut qitiutillugit, kiisalu sullissisunut suliaqarfiit assigiinngitsut akornatigut siunnersuisarnissaannut, ilitsersuisarnissaannut katsorsaasarnissaannullu pisussaatitaammata”, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede taama oqaaseqarpoq.
Nalunaarummi meeqqanut aamma ilaqutariinnut sullissiviit ilaatigut pisussaafilerneqarput ilaqutariinni aqqutissioqatigiisitsineq pillugu neqerooruteqartarnissaannut, taanna periuseq ilaqutariinnik mianernartuusunik atugarliortunillu sullitaqarnermi atorneqarlualersimasoq.
Aalajangersakkat ullutsinnut naleqquttut kommunit pigisaannik aamma imminut pigisunik qimarnguinnik imaqarput, qimarnguiillu aamma meeqqanut ilaqutariinnullu sullissiviit akornanni qaninnerusumik suleqatigiittoqarnissaanik qulakkeerinnissapput.
Inatsit nutaaq nalunaarutit.gl-imi atuarneqarsinnaavoq
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.
Angajoqqaat meeqqanik sumiginnaasarnerat pillugu Nuna tamakkerlugu iliuusissatut pilersaarummi 2020-2030-mi kiisalu Kalaallit Nunaanni meeqqanut inuusuttunullu atugarliortunut pitsaanerusumik suliniuteqarnissaq pillugu kalaallit qallunaallu oqartussaasoqarfiisa assigiinngitsunik suliallit akornanni suleqatigiinnermi 2020-2023-mi kommunit ilaqutariinnut sullissiviisa ilaqutariillu illuisa patajaallisarneqarnissaat innersuussutigineqarpoq.
Nutaamik inatsisitaarnikkut pingaaruteqartumik alloriartoqarpoq.
Inatsisartut 2023-mi Ukiakkut ataatsimiinneranni meeqqat tapersersorneqarnissaat pillugu inatsimmik allannguisoqarnissaa pillugu inatsit akuersissutigineqarpoq taannalu nalunaarut nutaaq atuutilersinneqarpoq.
”Pingaartumik meeqqanut, inuusuttunut ilaqutariinnullu atugarliortunut mianernartuusunulluunniit najukkami suliniutit pingaaruteqarput annertullutillu. Nalunaarut nutaaq inatsisitigut tunngaveqarnermik qulakkeerinnissaaq. Pingaartumik erseqqissaassutigissavara ilaqutariinnut sullissiviit ilaqutariillu illui meeqqanut, inuusuttunut ilaqutariinnullu, tassunga ilanngullugit ilaqutariinngulersunut, meeqqat inuusuttullu inuttut atugarliortut imaluunniit immikkut ittunik pisariaqartitaqartut immikkut qitiutillugit, kiisalu sullissisunut suliaqarfiit assigiinngitsut akornatigut siunnersuisarnissaannut, ilitsersuisarnissaannut katsorsaasarnissaannullu pisussaatitaammata”, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede taama oqaaseqarpoq.
Nalunaarummi meeqqanut aamma ilaqutariinnut sullissiviit ilaatigut pisussaafilerneqarput ilaqutariinni aqqutissioqatigiisitsineq pillugu neqerooruteqartarnissaannut, taanna periuseq ilaqutariinnik mianernartuusunik atugarliortunillu sullitaqarnermi atorneqarlualersimasoq.
Aalajangersakkat ullutsinnut naleqquttut kommunit pigisaannik aamma imminut pigisunik qimarnguinnik imaqarput, qimarnguiillu aamma meeqqanut ilaqutariinnullu sullissiviit akornanni qaninnerusumik suleqatigiittoqarnissaanik qulakkeerinnissapput.
Inatsit nutaaq nalunaarutit.gl-imi atuarneqarsinnaavoq
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.