Innuttaasunut kiffartuussinermi isumaqatigiissut: atajuarneq nutaaliornissamut inissaqartitsisoq

Kalaallit Nunaata Radioa, KNR Naalakkersuisullu ataasinngorneq ulloq 22. januar innuttaasunut kiffartuussinermi isumaqatigiissut atsiorpaat. Uani isumaqatigiissummi kisitsisit atorneqartut, isumaqatigiissutip siulianiit atorneqarput suliassami kisitsisissatut naatsorsuutigisat tunngavilerniarlugit. Isumaqatigiissummi peqataasut naliliipput, una isumaqatigiissut tunngavigalugu KNR pisussaaffimmik ingerlatsisinnaanissaanik aammalu ineriartornissamut ukkatarinninnissamut qularnaarinissaa.

KNR-ip Naalakkersuisullu innuttaasunik kiffartuussinerni pitsanngorsaajuarnissaq aammalu tamatigoortunik nutaalianillu aallakaatitassiortarnissaq suli ukkatarineqassasut takorluugarivaat, soorlu tv-kkut radiukkullu nutaarsiassalerinerni, qaammarsaaniarnerni, atuartitsinerni, eqqumiitsuliornerni aliikkutassaqartitsisarnernilu.

“Una isumaqatigiissut nutaaq suliarineqarpoq, maannakkut KNR-ip tusagassiortunik amigaateqarnerata unammillernartoqarnera allanillu suliffeqarfiup unammillernartoqarnera ataqqillugit. Taamaattumik Naalakkersuisut KNR nutaaliaanerusoq isumalluarfigaat, nutaanik siulersuisulik nutaamillu pisortalik. Minnerunngitsumillu Naalakkersuisut qilanaarivaat radiomi tv-milu aallakaatitassiat nutaat”, taama Aqqaluaq B. Egede oqarpoq.

“Nuannaarutigaarput nutaamik Innuttaasunut kiffartuussinermi isumaqatigiissummik atsioratta, tunngavissamik tulaavissaqarumalluta aammalu najoqqutaqarluta sulisinnaaniassagatta. Taamalu isumaqatigiissummik nutarterinermi qulakkeerinnippoq atajuarneq periusissamik ineriartortitsinermi ukiuni sisamani tulliuttuni inissaqartitsisoq, taannaavorli siunissami KNR-imik ilusilersuisussaq”, taama siulersuisut siulittaasuat Mette Steenholdt oqarpoq.


Annertunerusumik paasisaqarusukkuit attavigiuk: Naja Brandt, njbr@nanoq.gl oqa. 345000

Innuttaasunut kiffartuussinermi isumaqatigiissut uani atuarneqarsinnaavoq