AtuartigukPeqqissutsimut Naalakkersuisup Sisimiut tikeraarpaa
Nassiussisuuvoq: Peqqissutsimut Naalakkersuisoqarfik
Peqqissutsimut Naalakkersuisup Agathe Fontainip piffissami 16.-19. januar 2024-mi Sisimiut tikeraarpaa.
Tikeraarnermi siunertarineqarpoq kigutileriffiup peqqissaaviullu sulisui tikillugit oqaloqatiginissaat, kiisalu peqqissutsimut tunngatillugu isumaqatigiissut Inatsisartuni partiit tamarmik ataaseq minillugu november 2023-mi peqataaffigisaat oqaluuseralugu. Tassunga atatillugu Agathe Fontainip Sisimiuni kigutileriffik, nunap immikkoortuata peqqissaavia, Allorfik kiisalu Tilioq pulaarpai.
Taassuma saniatigut borgmesteri Malik Berthelsen ataatsimeeqatigaa kiisalu Kangerlussuarmi Sisimiunilu peqqissutsimut tunngatillugu isumaqatigiissut, tassanilu suliniutissat Naalakkersuisut ukiut qulit iluani suliassatut naatsorsuutigisaat pillugit saqqummiussiutigaluni innuttaasunik ataatsimiititsilluni.
Agathe Fontain oqarpoq:
” Tikeraarninni innuttaasut sulisullu saaffigiuminartuunerat nuannaraara. Peqqinnissaqarfimmi ajornartorsiutit arlaqarnerat ersarippoq, aamma Sisimiuni. Soorlu sulisussaaleqinermut, kigutit nakorsassaaleqinermut tunngasut kiisalu tarnikkut nappaateqarnermut atatillugu ajornartorsiutit. Peqqissutsimut tunngatillugu isumaqatigiissut nutaaq pillugu iliuuserisavut ajornartorsiutinut peqqinnissaqarfiup atugarisaanut tulluartuusut uppernarseqqippakka.”
Allanik paasisaqarnerorusukkaanni naalakkersuisup allattaa Nukaaka Tobiassen attavigineqarsinnaavoq, e-mailikkut: nukto@nanoq.gl imaluunniit oqarasuaatikkut: +299 34 66 17
Tikeraarnermi siunertarineqarpoq kigutileriffiup peqqissaaviullu sulisui tikillugit oqaloqatiginissaat, kiisalu peqqissutsimut tunngatillugu isumaqatigiissut Inatsisartuni partiit tamarmik ataaseq minillugu november 2023-mi peqataaffigisaat oqaluuseralugu. Tassunga atatillugu Agathe Fontainip Sisimiuni kigutileriffik, nunap immikkoortuata peqqissaavia, Allorfik kiisalu Tilioq pulaarpai.
Taassuma saniatigut borgmesteri Malik Berthelsen ataatsimeeqatigaa kiisalu Kangerlussuarmi Sisimiunilu peqqissutsimut tunngatillugu isumaqatigiissut, tassanilu suliniutissat Naalakkersuisut ukiut qulit iluani suliassatut naatsorsuutigisaat pillugit saqqummiussiutigaluni innuttaasunik ataatsimiititsilluni.
Agathe Fontain oqarpoq:
” Tikeraarninni innuttaasut sulisullu saaffigiuminartuunerat nuannaraara. Peqqinnissaqarfimmi ajornartorsiutit arlaqarnerat ersarippoq, aamma Sisimiuni. Soorlu sulisussaaleqinermut, kigutit nakorsassaaleqinermut tunngasut kiisalu tarnikkut nappaateqarnermut atatillugu ajornartorsiutit. Peqqissutsimut tunngatillugu isumaqatigiissut nutaaq pillugu iliuuserisavut ajornartorsiutinut peqqinnissaqarfiup atugarisaanut tulluartuusut uppernarseqqippakka.”
Allanik paasisaqarnerorusukkaanni naalakkersuisup allattaa Nukaaka Tobiassen attavigineqarsinnaavoq, e-mailikkut: nukto@nanoq.gl imaluunniit oqarasuaatikkut: +299 34 66 17