Puukunik utertitsisarneq

Ulloq 1. januar 2024 puukunik utertitsisarnermut periaaseq nutaaq atuutilerpoq.
utertinneqartut procentinngornerat aallaqqaataaniilli pitsaasorujussuusimavoq aammalu taama amerlatigisut periaaseq nutaaq atormassuk neriulluarnarpoq. Puukunik utertitsisarnermut periaaseq nutaaq, puukut inissisimaffissarinngisa-minni pinngortitamiilertartut imaluunniit eqqaavimmiilertartut ikinnerunissaannik qulakkeereqataavoq.

Puukut utertitassap imaqannginnissaa, puukup ipeqanngitsutut isikkoqarnissaa kiisalu puukup titarnerit kodiisa tamakkiisuunissaa, puukup utertitassat tigune-qartarnissaannut piumasaqaataammat, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup eqqumaffigeqqussavaa. Puukunut utertitassanut tunngavissarititaasut naammassineqarsimanngippata, pi-siniarfiit puukut tigujumanngissinnaavaat.

Puukunik utertitsisarnermut periaatsip nutaap innuttaasunit ilassilluarneqarnera neriulluartitsivoq.

Qillertuusat puiaasallu igalaaminermik, aluminiumik, plastikkinik imaluunniit sisannik sanaajusut aammalu makkuninnga imaqarsimasut, tunniunneqar-sinnaapput;

Immiaaqqat, imigassartaasa procentia apeqqutaatinnagu
Imeruersaasit kulsyritallit, ilanngullugit sodavandit, imeruersaatit eqeersaatitallit, cider aammalu alkopops-inik taagorneqartut (sodavandit imigassamik aalakoornartortalimmik akullit).
Imeruersaatit kulsyritaqanngitsut, ilanngullugit imeq, lemonade aamma tii nillertoq
Naatitat inerititallu isserinik saftiliat
Saftiliassat

Seeruppi ilaatigut imigassanut akuukkanut atorneqarsinnaasoq, maannakkorpiaq puukunik utertitsisarnermut periaatsimi ilaatinneqanngilaq.

Paasissutissanik annertunerusunik piniarnermi attavigineqassaaq Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik uunga pan@nanoq.gl