AtuartigukNunatta Isiginnaartitsiarfiata siulersuisuinut ilaasortassanik nutaanik piffissami 2024-2027 toqqaaneq
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Nunatta Isiginnaartitsisarfiata siulersuisunut piffissami nutaami atuuttussanik Naalakkersuisut tallimanik nutaanik ilaasortassanik toqqaapput. Siulersuisut atuutilertussat piffissami januaarip aallaqqaataaniit 2024 decembarip 31-iata 2027 tungaanut atuutissapput.
Siulersuisut tassaapput Kalaallit Nunaata Isiginnaartitsisarfiani aqutsisut qullersaasut, aamma Kalaallit Nunaata Isiginnaartitsisarfiata ingerlanneqarnera pillugu aalajangersakkat malinneqarnissaannut Naalakkersuisunut akisussaasut.
Nunatta Isiginnaartitsisarfiata siulersuisui isiginnaartitsisarfeqarneq pillugu inatsit malillugu tallimanik ilaasortaqarpoq, Naalakkersuisullu siulittaasumik toqqaasarput. Ilaasortat ukunannga innersuunneqareerneratigut Naalakkersuisut toqqaasarput: SILA (Kalaallit Nunaanni Isiginnaagassiortut Peqatigiiffiannit), kommunit peqatigiillutik, Kalaallit Atuakkiortut, Sulisitsisut, aamma Nunatta Isiginnaartitsisarfiani sulisunit.
Siulersuisuni ilaasortaat tassaapput:
Karsten Høy,
Nivi Christensen,
Kuluk Helms,
Minik Lynge aamma
Connie Kristoffersen.
Naalakkersuisut siulersuisuni siulittaasussatut toqqarpaat Nivi Christensen.
Naalakkersuisut siulersuisut nutaat sulilluarnissaannik kissaappaat.
For yderligere oplysninger
Rosa Thorsen, allatsi
rose@nanoq.gl
Tlf: 34 57 02