Atuartiguk“Siunissaq mingutitsinngitsoq” pillugu tusagassiortortunik katersortitsinissamut qaaqqusissut.
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu NaalakkersuisoqarfikNunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund ataasinngornermi 22. januaarimi nal. 13.00 tusagassiortunik katersortitsinissamut, juunip qaammataata tungaanut katillugit pingasoriarluni ingerlanneqartussat siullersaannut aggersaavoq. Tusagassiortunik katersortitsinerni qulequtaassapput “Siunissaq mingutsitsinngitsoq”.
22. januaarimi sammisassaq tassaavoq “Mingutsitsinngitsunut allannguinissaq aamma Kalaallit Nunaata erngup nukinganik periarfissatta annerpaartaanik unammilleqatigiissitsivigineqarnissaat”.
Tusagassiortunik katersortitsineq Naalakkersuisut tusagassiortunut katersortitsisarfiani ingerlanneqassaaq.
”Erngup nukinganut periarfissaqarfitta unammilleqatigiissitsiffigineqarnerani killiffik pillugu ilisimatitsinissannut, aammalu Naalakkersuisut inuiaqatigiinni inuuffigisatsinni mingutsitsinngitsunut allannguinissaq pillugu naalakkersuinikkut takorluugaat pillugit ammasumik isumalluarfiusumillu oqaloqateqalernissamut qilanaarpunga”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund tusagassiortunik katersortitsinissaq sioqqullugu oqarpoq.
Tusagassiortunik katersortitsinermi taamaallaat tusagassiortut qaaqquneqarput. Naalakkersuisoq Kalistat Lund saqqummeereerpat tusagassiortut apeqquteqarnissaminnut periarfissaqassapput.
Attaveqarfissaq
Annertunerusumik paasisaqarusunnermi naalakkersuisup allattaa Manasse Berthelsen tlf.: 34 56 03/54 88 68-imut imaluunniit e-mail: pan@nanoq.gl aqqutigalugu attaveqarfigineqassaaq.