Immikkuualuttumik isumaqatigiissutip siulliup Issittumi Atlantikullu avannaani marlunnik dronitaarnissaq qulakkeerpaa

Issittut Atlantikullu avannaata sumiiffimmi nakkutilliinerup namminersortuunerullu atuutsinnissaata dronit ungasissumut ingerlaarsinnaasut nutaat marluk piginnaasaqqortusassavaat. Tamanna partiit illersornissamut immikkuualuttumik isumaqatigiissummi siullermi Savalimmiut Kalaallit Nunaallu ilaatinnerisigut aalajangerneqarpoq. 

Issittup Atlantikullu avannaani nakkutilliinerup piginnaasaqqortusarnissaa pillugu dronenik ungasissumut ingerlaarsinnaasunik, illersornissamut immikkuualuttumik isumaqatigiissummut siullermut atasumik pisinissamut immikkut aningaasaleeqqinnissamut. 

Isumaqsatigiissummi danskit naalakkersuisui, Socialistisk Folkeparti, Danmarksdemokraterne, Liberal Alliance, Det Konservative Folkeparti, Radikale Venstre og Dansk Folkepartiilu peqataapput. Isumaqatigiissut Savalimmiut naalakkersuisui Kalaallit Nunaannilu Naalakkersuisut qanimut peqataatinnerisigut suliarineqarpoq. 

”Sumiiffinni qanigisatsinni immikkut pisussaaffeqarpugut, Kunngeqarfik Danmarkilu sumiiffinni tamani isumannaatsuunissamut annertunerusumik akisussaaffimmik tigusisariaqarpoq. Tamanna ima paasisariaqarpoq; Issittumi Atlantikullu avannaani piginnaasanik annertunerusunik atuisariaqartugut. Taamaattumik isumaqatigiissummi immikkuualuttumi siullermi dronit ungasissumut ingerlaarsinnaasut pissarsiarinissaannut aningaasaliissutit qulakkeerneqarnerat naammagisimaarpara. Taamaalilluni Issittumi piginnaasassanit qitiusumik aalajangiineq naammassineqassaaq.” taama oqaaseqarpoq illersornissamut ministeri Troels Lund Poulsen.

Dronit pitsaasunik radarimik,- sensorimik- kalerrisaarutinillu teknologimik peqarnerisigut Issittumi Atlantikullu avannaani sakkutuujunngitsunit sakkutooqarnermilu pisoqarfiugaluttuinnartumi iluaqutaasussatut inissisimassapput. Dronit pisiarinissaat Issittumi piginnaasassanik 2021-mi isumaqatigiinnermi aalajangiunneqarpoq. Immikkuualuttumik isumaqatigiissummit siullermit akisuneruneri pissutigalugit ilassutaasumik aningaasaliinissaq pisariaqalersimavoq. Partiinut isumaqatigiissuteqartunut Naalakkersuisunullu pingaarnerpaavoq pissarsiarineqarnissaat piaartumik inissinneqassasoq. 

Isumaqatigiissummi pingaartinneqarportaaq Savalimmiuni, Savalimmiut naalakkersuisui qanimut peqatigalugit piaarnerpaamik silaannakkut kalerrisaarummik piaarnerpaamik  danskit savalimmiullu akornanni nakkutilliissutitaarnissaq. Silaannakkut kalerrisaarummik nakkutilliissutitaarnikkut silaannartamik nakkutilliinera annertuumik Atlantikup avannaani nukittorsarneqassaaq. Silaannakkut kalerrisaarummik nakkutilliissutitaarnikkut pissarsinissamik aalajangiineq Issittumik piginnaasat annertusarneqarnissaannit aallaaveqarpoq aammalu Danskit naalakkersuisui Savalimmiormiullu naalakkersuisuisa akornanni immikkut isumaqatigiissuteqarnikkut.

Illuatungeriilluni isumaqatigiissut Kalaallit Nunaanni Issittumi Tunngaviusumik Iliniarneq pillugu soqutiginninneq pitsaasoq tapersersussallugu piareersimapput, tassani ilinniarnermut tigusisinnaanerup annertusarsinnaaneranut periarfissat, aammalu Kalaallit Nunaanni Nakkutilliisut pillugit aaqqissuussinerup nukittorsarnissaat misissorneqassallutik. 

Immikkuualuttumik isumaqatigiissut siulleq sakkutooqarnermi piginnaasassat allat aningaasaliiffigineqarneranittaaq imaqarpoq, soorlu sakkutuunut nunasiortunut silaannarmik nakkutilliissutit sakkutuunullu imarsiortunut sakkussiat, aammalu sulisunik atorfinitsitsiniarneq tigumminniinnarniarnerlu nukittorsaanermi atorneqassallutik. 

Illersornissamut ministeriaqarfiup suliaqarfiisa illersornissamut sanarfinissamut aammalu danskit illersornissamut sillimaniarnermullu nukittorsaanissamut anguniagaqarnera aammalu Danmarkip NATO-p piumasaqaataanut angummannissaminut inerisaanissaanut qulakkeerinneqataassapput. 

Naalagaaffinngornissamut nunanullu allanut Naalakkersuisoq Vivian Motzfeldt ima oqaaseqarpoq: “Immikkuualuttuni isumaqatigiissutit siullianni dronit ungasissumut ingerlaarsinnaasut pisiarinissaasa qulakkeerneqarnissaat politikikkut isumaqatigiissutaasut malinnaaffiginissaata saniatigut qulakkeerneqarpoq Kalaallit Nunaanni Issittumi Tunngaviusumik Ilinniartitsinerup aallartinnissaanut amerlasuunik qinnuteqarfigineqarnerata ingerlatiinnarnissaa. Tamanna uannut aalajangiisuuvoq, Kalaallit Nunaanni illersornissamut sillimaniarnermullu suliassat piginnaanngorsarnissaanut, kalaallinut iluaqutaasussanik. Danskit naalakkersuisuisa Naalakkersuisut akuutinneqarnerisigut siunissami immikkuualuttuni isumaqatigiissutaajumaartussat oqaloqatigiissutigineqarnissaannut sinaakkutissat inissinneqarput. Oqaloqatigiinnissanut aggersunut qilanaarpunga. Illersornissamut ministerimik aammalu Inatsisartuni kalaallit partiivini.” 

Immikkuualuttumik isumaqatigiissut siulleq isumaqatigiissutillu imarisaa uani atuaruk

Kalaallit Nunaat pillugu ilanngussaq