AtuartigukFinansminister Nicolai Wammenip aamma Aningaasaqarnermut Akileraartarnermullu Naalakkersuisup Erik Jensenip, Naalakkersuisup, imermit innaallagassiorfinnik aningaasalersornissaq pillugu annertunerusumik suleqatigiinnissaq pillugu ataatsimiinnerat.
Nassiussisuuvoq: Aningaasaqarnermut Akileraartarnermullu NaalakkersuisoqarfikAningaasaqarnermut Akileraartarnermullu Naalakkersuisoq Erik Jensen aamma finansminister Nicolai Wammen Utoqqarmiut Kangerluarsunnguani erngup nukinganik innaallagissiorfimmik alliliinissamik aamma Qasigiannguit Aasiaallu pilersornerannut erngup nukinganik innaallagissiorfimmik suliniut pillugit Kalaallit Nunaanni erngup nukinganik innaallagissiorfinnik suliniutinut aningaasalersuineq pillugu misissueqqissaarneq pillugu qanimut suleqatigiinnissaq pillugu ullumikkut isumaqatigiissusiorput.
Misissueqqissaarneq imatut aaqqissuunneqarpoq suliniutit ineriartortinneqarnerat sanaartornissanullu siunnersuutit naammassiartornerat peqatigalugu Utoqqarmiut Kangerluarsunnguani imermik innaallagissiorfik pillugu suliniut piffissaliinermi salliutinneqassalluni aamma Qasigiannguanik Aasiannillu pilersuinermit erngup nukinganik innaallagissiorfimmik suliniut piffissaliinermi tulliunneqassalluni.
Isumaqatigiissut Danmarkimi naalakkersuisut aamma nunatsinni Naalakkersuisut Kalaallit Nunaanni erngup nukinganik innaallagissiorfinnik suliniutinik aningaasalersuineq pillugu Pilersaarummik nalunaarutaannik 15. marsi 2022-mik ingerlatitseqqinneruvoq aammalu Utoqqarmiut Kangerluarsunnguani imermik innaallagissiorfimmik alliliinissaq pillugu inaarutaasumik misissueqqissaarnerup 2024-mi ukiup affaata siulliup ingerlanerani naammassineqarnissaa qulakkeerneqarluni.
Aningaasaqarnermut Akileraartarnermullu Naalakkersuisoq Erik Jensen oqarpoq:
” Nuup eqqaani aamma Qasigiannguit Aasiaallu eqqaanni imermit innaallagassiorfissamik suliniutit Kalaallit Nunaanni piujuartitsilluni allannguinermut pingaaruteqarluinnarput. Taamaammat Aningaasaqarnermut Akileraartarnermullu Naalakkersuisoqarfiup aamma Finansministeriap qanimut suleqatigiinnerisa maannakkut aallartinneqarnera nuannaarutigingaarpara, taamaalilluni erngup nukinganik innaallagassiorfinnik suliniutinik misissueqqissaarneq maannakkut ataatsimoorluni naammassineqarsinnaassalluni”.