AtuartigukQaanaami Ittoqqortoormiinilu piniartut aalisartullu ikiorsiissutinik tunineqassapput
Nassiussisuuvoq: Aalisarnermut Piniarnermullu Naalakkersuisoqarfik
Qaanaami nunaqarfiinilu Ittoqqortoormiinilu piniartut aalisartullu 75-it aningaasanik ikiorsiissutinik 15.000 koruuninik ataatsikkut tigusassanik tunineqassapput, Naalakkersuisut januaarip tallimaanni qinnuteqaataat Inatsisartut Aningaasaqarnermut Akileraartarnermullu Ataatsimiitsitaliamit akuerineqartoq ullumikkut nalunaarutigineqarmat.
Naalakkersuisut kissaatigaat Inatsisartut Aningaasaqarnermut Akileraartarnermullu Ataatsimiitsitaliap akuerissagaa ikorsiineq decembarimili aallartinneqassasoq, januaarip aallaqqaataa 2024 atuutilerfissatut utaqqeqqaanngikkaluarlugu. Ikiorsiissutigineqartussat, aningaasat ataatsikkut tiguneqartussat piniartunut aalisartunullu sumiiffinni pineqartunit qinnuteqarsimasunut nassiunneqassapput. Piniartut aalisartullu sumiiffinni pineqartuni ajunaarnersuartut ittumik, silap pissusaata allanngornerata kingunerisaanik, soorlu sikkorluttuni aamma silarlummik nalaataqartut, aningaasarsiorfissatut ikkunnaartuni ikiorsiissutinik tunineqassapput.
Suleqatigiissitaq
Naalakkersuisut aamma kissaatigaat suleqatigiissitaliamik pilersitsisoqassasoq, naalakkersuisoqarfinnik suliamut matumunnga attuumaassuteqartunit ilaasortalimmik. Suleqatigiissitap qaammammiit qaammammut, piniartuunerup qanoq ingerlanera malinnaavigissavaa, taamaalilluni qaleralinnik, puisit amiinik aamma piniakkanik allanik killilersukkanik tunisineq qanoq ingerlanersoq malinnaavigisinnaallugu. Taamaalinikkut ullormiit ullormut piniartut inuussutissarsiorsinnaajunnaarallarnerinik ikiuinasuarnissaq pisinnaanngorlugu, kisitsisinik eqqortunik tunngaveqarluni sulisinnaassalluni.
Paasissutissanik amerlanerusunik pisoqarsinnaavoq Aalisarnermut Piniarnermullu Naalakkersuisoqarfimmut saaffiginnilluni. APN@nanoq.gl
Naalakkersuisut kissaatigaat Inatsisartut Aningaasaqarnermut Akileraartarnermullu Ataatsimiitsitaliap akuerissagaa ikorsiineq decembarimili aallartinneqassasoq, januaarip aallaqqaataa 2024 atuutilerfissatut utaqqeqqaanngikkaluarlugu. Ikiorsiissutigineqartussat, aningaasat ataatsikkut tiguneqartussat piniartunut aalisartunullu sumiiffinni pineqartunit qinnuteqarsimasunut nassiunneqassapput. Piniartut aalisartullu sumiiffinni pineqartuni ajunaarnersuartut ittumik, silap pissusaata allanngornerata kingunerisaanik, soorlu sikkorluttuni aamma silarlummik nalaataqartut, aningaasarsiorfissatut ikkunnaartuni ikiorsiissutinik tunineqassapput.
Suleqatigiissitaq
Naalakkersuisut aamma kissaatigaat suleqatigiissitaliamik pilersitsisoqassasoq, naalakkersuisoqarfinnik suliamut matumunnga attuumaassuteqartunit ilaasortalimmik. Suleqatigiissitap qaammammiit qaammammut, piniartuunerup qanoq ingerlanera malinnaavigissavaa, taamaalilluni qaleralinnik, puisit amiinik aamma piniakkanik allanik killilersukkanik tunisineq qanoq ingerlanersoq malinnaavigisinnaallugu. Taamaalinikkut ullormiit ullormut piniartut inuussutissarsiorsinnaajunnaarallarnerinik ikiuinasuarnissaq pisinnaanngorlugu, kisitsisinik eqqortunik tunngaveqarluni sulisinnaassalluni.
Paasissutissanik amerlanerusunik pisoqarsinnaavoq Aalisarnermut Piniarnermullu Naalakkersuisoqarfimmut saaffiginnilluni. APN@nanoq.gl