AtuartigukPuisit amiinut suliassaqarfimmi kiffartuussinissamut isumaqatigiissut pillugu oqaloqatigiinneq
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Naalakkersuisut, Great Greenland aamma KNAPK kiffartuussinissamut isumaqatigiissut, 2024-mi puisit amiinik tunitsiveqarnermut tapiissutinik aalajangersaaviusussaq, pillugu pilersitsiviulluartumik oqaloqatigiipput. Isumaqatigiissut pillugu suli tamakkiisumik isumaqatigiittoqanngilaq, kisianni sukkasuumik aaqqiissutissarsinissaq sulissutigineqarpoq. Tamatuma tungaanut puisip amiinut akigititat 2023-miituulli naatsorsorneqartassapput. Tamatuma kingorna qanoq isumaqatigiittoqarnera naapertorlugu iluarsiisoqassaaq.
Aammattaaq agguagarsiassat aningaasartaat 1 mio. koruuniusut amminut tunisanut agguarneqareerput aammalu ukiortaaq sioqqullugu kingoqqutilaarlugulu akilerneqareerput, paasissutissiissutigineqarsinnaavoq.
Paasissutissanik annertunerusunik piniarnermi attaveqarfigineqassaaq Naalakkersuisoqarfimmi pisortaaneq Jørgen Hammeken-Holm joeh@nanoq.gl-mut allalluni imaluunniit oqarasuaammut 346846-mut sianernermi