AtuartigukUlloq unnuarlu najugaqarfissatut neqeroorutini kinguaassiutitigut atornerluisarneq Naalakkersuisup akuerisinnaanngilluinnarpaa
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Inunnut innarluutilinnut ulloq unnuarlu najugaqarfissatut neqeroorutini najugallit kinguaassiutitigut kannguttaatsuliorfigineqarsimanerinik innarlerneqarsimanerinillu nalunaarutiginninnerit arlaliusut ulloq unnuarlu najugaqarfissatut neqerooruteqarfik pillugu nalunaarusiap ersersippaa. Taamaattumik Naalakkersuisoq suliniummik nutaamik salliutitsiniarpoq, suliniutaasussaq tassaavoq kinguaassiutitigut atornerluisarnerup pinaveersaartinneqarneranik ukkataqarneq.
Ulloq unnuarlu neqeroorutini najugaqartunut kinguaassiutitigut kannguttaatsuliorfiginnissimanernik innarliisimanernillu ulloq unnuarlu najugaqarfissatut neqeroorutini arlalinni sulisut pasitsaassaqarlutilluunniit innarliisimasunik ilisimannipput. Nittartakkatigut nutaarsiassaqartitsiviit Sermitsiaq.ag aamma KNR.gl taama allaaserisaqarput, nutaarsiassaqartitsiviillu nalunaarusiaq Inunnut innarluutilinnut najugaqarfissatut neqeroorutini kinguaassiuutinut tunngasutigut pissutsit, aamma kinguaassiuutitigut innarliisarnerit, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuismit, Aqqaluaq B. Egedemit, ulloq 14. decembarimi saqqummiunneqartoq, tigulaariffigalugu.
”Kinguaassiutitigut atornerluinerit suugaluartulluunniit akuerisinnaanngilluinnarpakka. Najugaqartut namminneq angerlarsimaffimminni kinguaassiutitigut innarlerneqarnermik kannguttaatsuliorfigineqarnermillu nalaataqassasut soorunami akuerineqarsinnaanngilaq, angerlarsimaffitsimmi toqqissisimaffigisassaraat suliarlu pimoorulluinnarlugu tiguarput”, Naalakkersuisoq oqarpoq.
Atukkat soorlu ilaatigut kinguaassiutitigut kannguttaatsuliortarnernik innarliisarnernillu pinaveersaartitsinernut tunngassutillit nalunaarusiami takutinneqarlutillu inassuteqaasiorfigineqarput kiisalu inunnut innarluutilinnut ulloq unnuarlu najugaqarfissatut neqeroorutini maleruagassanik malittarisassanillu ilisimalersitsilluni. Taamaattumik Naalakkersuisoq assigiinngitsunik sulialinnik suleqatigiissitaliussaaq, suleqatigiissitap ulloq unnuarlu najugaqarfissatut neqerooruteqarfiup arlaannaanulluunniit attuumassuteqanngitsumik misissorneqarneranit inassuteqaatigineqartut misissussavaat.
Tamatuma saniatigut nalunaarusiaq tunngavigalugu suliniutigineqarfigisassamik ataatsimik ilanngussisoqassaaq, suliniutigineqarfigisassami iliuusissatut pilersaarusiami takkuttussami Inuit Innarluutillit pillugit Naalagaaffiit Peqatigiit isumaqatigiissutaata malinneqarnissaanut iliuusissatut pilersaarut 2024-2034-mi kinguaassiutitigut atuisarnerit aamma kinguaassiutitigut atornerluisarnermik pinaveersaartitsinerit ukkatarineqassapput.
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.
Ulloq unnuarlu neqeroorutini najugaqartunut kinguaassiutitigut kannguttaatsuliorfiginnissimanernik innarliisimanernillu ulloq unnuarlu najugaqarfissatut neqeroorutini arlalinni sulisut pasitsaassaqarlutilluunniit innarliisimasunik ilisimannipput. Nittartakkatigut nutaarsiassaqartitsiviit Sermitsiaq.ag aamma KNR.gl taama allaaserisaqarput, nutaarsiassaqartitsiviillu nalunaarusiaq Inunnut innarluutilinnut najugaqarfissatut neqeroorutini kinguaassiuutinut tunngasutigut pissutsit, aamma kinguaassiuutitigut innarliisarnerit, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuismit, Aqqaluaq B. Egedemit, ulloq 14. decembarimi saqqummiunneqartoq, tigulaariffigalugu.
”Kinguaassiutitigut atornerluinerit suugaluartulluunniit akuerisinnaanngilluinnarpakka. Najugaqartut namminneq angerlarsimaffimminni kinguaassiutitigut innarlerneqarnermik kannguttaatsuliorfigineqarnermillu nalaataqassasut soorunami akuerineqarsinnaanngilaq, angerlarsimaffitsimmi toqqissisimaffigisassaraat suliarlu pimoorulluinnarlugu tiguarput”, Naalakkersuisoq oqarpoq.
Atukkat soorlu ilaatigut kinguaassiutitigut kannguttaatsuliortarnernik innarliisarnernillu pinaveersaartitsinernut tunngassutillit nalunaarusiami takutinneqarlutillu inassuteqaasiorfigineqarput kiisalu inunnut innarluutilinnut ulloq unnuarlu najugaqarfissatut neqeroorutini maleruagassanik malittarisassanillu ilisimalersitsilluni. Taamaattumik Naalakkersuisoq assigiinngitsunik sulialinnik suleqatigiissitaliussaaq, suleqatigiissitap ulloq unnuarlu najugaqarfissatut neqerooruteqarfiup arlaannaanulluunniit attuumassuteqanngitsumik misissorneqarneranit inassuteqaatigineqartut misissussavaat.
Tamatuma saniatigut nalunaarusiaq tunngavigalugu suliniutigineqarfigisassamik ataatsimik ilanngussisoqassaaq, suliniutigineqarfigisassami iliuusissatut pilersaarusiami takkuttussami Inuit Innarluutillit pillugit Naalagaaffiit Peqatigiit isumaqatigiissutaata malinneqarnissaanut iliuusissatut pilersaarut 2024-2034-mi kinguaassiutitigut atuisarnerit aamma kinguaassiutitigut atornerluisarnermik pinaveersaartitsinerit ukkatarineqassapput.
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.