Juulimaap juulliaqqami nal. 11.00 qulimiguulimmut ilaalluni takkunnissaa

Meeqqat inersimasullu meeqqatulli qilanaartut, kingumut ukioq manna juulimaap ikiortaasalu, pisarnertik malillugu Dronning Ingridip Napparsimmavissuata silataanut juulliaqami mippata, aalateriffiginissaat qilanaarisinnaanngorpaat. Nalunaaqquttalli nikinnera pissutigalugu juulimaap pisarnermit nal. akunneranik kingusinnerusukkut- tassalu aqqanernut- missaaq.

Tamatuma saniatigut suut tamarmik pisarnertut ingerlanneqassapput. Julimaaq napparsimmavissuarmi uninngasunut- meeqqanut inersimasunullu isertinnani, mamartunik agguaassaaq.

” Juulimaap qulimiguulimmut aappalaartumut ilaalluni Napparsimmavissuup silataanut minnerani tikilluaqqusinnaanera nuannaarutigaarput,” Peqqinnissaqarfiup pisortaanera Tina Amondsen oqarpoq imalu nangilluni, ”misigisaavoq nuannersoq ukiut tamaasa qilanaarisartagarput amerlaqisunullu isumalerujussuusoq nalunngisarput”

Juulimaap qulimiguulimmik tikiunnerani isumannaallisaanermut atatillugu assersugaq ataqqineqassaaq

Juulimaaq mippat ukiuni siuliinisut pisortat tamanit ataqqeqqusaannik assersuisoqassaaq.
- ” Qulimiguullip minnerani isumannaallisaanikkut palleqqusaannginnermut katersuuteqqusaannginnermullu killiliussat eqquutsinneqarnissaannik qulakkeerinissaq, assersuinermi siunertaavoq, Peter Frederik Lyberth Air Greenlandip attartortitsisarnermut immikkoortortaaneersoq oqarpoq.

Nalunaarut pillugu paasissutissat
Air Greenlandimut: nyhed@airgreenland.gl