AtuartigukAqutsiveqarfimmi Nuuk-Paamiut avataanni saattuarniarneq unitsinneqassaaq
Nassiussisuuvoq: Aalisarnermut Piniarnermullu Naalakkersuisoqarfik
Aqutsiveqarfimmi Nuuk-Paamiut avataanni saattuarniarneq decembarip 22-anni 2023-mi nalunaaqutaq 23.59 unitsinneqassaaq, sumiiffimmut saattuat pisassiissutigineqartut nungulermata.
Taamaalilluni tallimanngornernermi decembarip 22-anni 2023-mi kingullerpaamik nalunaaqutaq 23.59 tunisisoqassaaq. Ullormi tassani aamma pullatit qaqinneqassapput.
Tamatumunnga paasissutissat amerlanerusut Kalaallit Nunaanni Aalisarsinnaanermut Akuerissutinik Nakkutilliisoqarfimmi pineqarsinnaapput telefonikkut 34 50 00, mailikkut gflk@nanoq.gl