AtuartigukPeqqissutsimut Naalakkersuisoq Agathe Fontain Nuummi Qitiusumik kigutileriffimmut aamma Allorfik Sermersuumut pulaarpoq
Nassiussisuuvoq: Peqqissutsimut Naalakkersuisoqarfik
Qitiusumik kigutileriffimmi Nunatsinni kigutinik isumaginninnermi kigutit nakorsaanerat Helena Holm, Nunap immikkoortuani kigutit nakorsaanerat Sabina Gabrielsen Eugenius, kigutinik narlorissaasutut immikkut ilinniagalik Pernille Brusgaard aamma sulianut siunnersorti Ane Jeppesen Naalakkersuisup naapippai, tassani kigutileriffitoqqami ukiunik 40-nik pisoqaassuseqalersumi pulaartorineqarpoq. Tamatuma kingorna Qitiusumik kigutileriffiup suliassai, taakkununnga ilanngullugit kigutit narlorissarneqartarnerat kiisalu qitiusumik kigutileriffiup unammilligassai pillugit sukumiisumik paasissutissinneqarpoq.
Pulaarnermi immikkut sammineqarlutik oqaluuserineqarsimasut tassaapput,
kigutileriffik pisoqaq nungullarsimasorlu inissaaleqiffiusoq sulisussasiornermilu ajornartorsiuteqartartup ullutsinnut naleqquttuutillugu attatiinnarniarneqarnerani unammilligassat.
”Nuummi qitiusumik kigutileriffik kigutileriffiillu allat aamma Nuup avataanitut unammilligassaqarnerat paasisinnaavakka, taamaammat nuannaarutigaara peqqissutsimut tunngatillugu siunissaq ungasinnerusoq eqqarsaatigalugu partiinut isumaqatigiissutigisimagatsigu” Peqqissutsimut Naalakkersuisoq Agathe Fontain oqarpoq.
Ullup-qeqqata siornatigut pulaarneq naggaserlugu Qitiusumik kigutileriffimmi sulisut peqatigalugit kaffisoqatigiittoqarlunilu kaagisoqatigiittoqarpoq.
Allorfik Sermersuumi Pisortaq nakorsatut siunnersorti Birgit Niclasen, katsorsaasartut allaffimmilu sulisut Naalakkersuisup naapippai. Tassani init nutaat ukioq manna maajip qaammataani atuutsinneqalersut takuniarneqarput. Tamatuma kingorna Allorfimmi innuttaasunut neqeroorutaasartut aamma sulisunik ilinniartitsisarneq pillugit paasissutissinneqarpoq. Nutaatut Allorfimmi katsorsaasut ilaat kingunerlutsitsisimasunut katsorsaasutut ilinniartitsinermut peqataatinneqarsimapput, kingunerlutsitsisunik katsorsaanermi periutsinik assigiinngitsunik suliaqarnissamut piginnaaneqalersillugit.
”Nuannaarutigilluinnarpara katsorsaasut tarnikkut peqqissaasutut ilinniarsimasut kingunerlutsitsisimasunut katsorsaariaasertaamik ilinniartinneqarnissaannik peqataatinneqartalernerat, innuttaasorpassuimmi ajoqusersimanerminnit kingunerluuteqarlutik ulluinnarni inuusarmata. Qanittukkut WHO-mik oqaloqateqarnitsinni erseqqissumik paasivarput, inuiaqatigiinni imigassamik aalakoornartortalimmik atuinermi ajornartorsiutit kingunerluutinut tunngaviusut imigassamut tunngatillugu massakkut erseqqissumik inissisimasut tassaapput imigassaq kingunerlutsitsiinernut attuumassuteqanngitsoorsinnaanngimmat aammalu kingunerlutsitsinerit imigassamut atuumassuteqangitsoorsinnaanatik. Taamaammat kingunerluuteqartunik katsorsaanerup aanngajaarniutinik atuinermik katsorsaanerup imminnut ataqatigiilersinneqarnerat alloriarneruvoq pingaarutilik”, Peqqissutsimut Naalakkersuisoq Agathe Fontain oqarpoq.
Paasisaqarnerorusukkuit Naalakkersuisup allattaa Naja Lynge-Petersen e-mail: nalp@nanoq.gl imaluunniit oqarasuaammut uunga +299 34 66 41 attaveqarfigisinnaavat.
Pulaarnermi immikkut sammineqarlutik oqaluuserineqarsimasut tassaapput,
kigutileriffik pisoqaq nungullarsimasorlu inissaaleqiffiusoq sulisussasiornermilu ajornartorsiuteqartartup ullutsinnut naleqquttuutillugu attatiinnarniarneqarnerani unammilligassat.
”Nuummi qitiusumik kigutileriffik kigutileriffiillu allat aamma Nuup avataanitut unammilligassaqarnerat paasisinnaavakka, taamaammat nuannaarutigaara peqqissutsimut tunngatillugu siunissaq ungasinnerusoq eqqarsaatigalugu partiinut isumaqatigiissutigisimagatsigu” Peqqissutsimut Naalakkersuisoq Agathe Fontain oqarpoq.
Ullup-qeqqata siornatigut pulaarneq naggaserlugu Qitiusumik kigutileriffimmi sulisut peqatigalugit kaffisoqatigiittoqarlunilu kaagisoqatigiittoqarpoq.
Allorfik Sermersuumi Pisortaq nakorsatut siunnersorti Birgit Niclasen, katsorsaasartut allaffimmilu sulisut Naalakkersuisup naapippai. Tassani init nutaat ukioq manna maajip qaammataani atuutsinneqalersut takuniarneqarput. Tamatuma kingorna Allorfimmi innuttaasunut neqeroorutaasartut aamma sulisunik ilinniartitsisarneq pillugit paasissutissinneqarpoq. Nutaatut Allorfimmi katsorsaasut ilaat kingunerlutsitsisimasunut katsorsaasutut ilinniartitsinermut peqataatinneqarsimapput, kingunerlutsitsisunik katsorsaanermi periutsinik assigiinngitsunik suliaqarnissamut piginnaaneqalersillugit.
”Nuannaarutigilluinnarpara katsorsaasut tarnikkut peqqissaasutut ilinniarsimasut kingunerlutsitsisimasunut katsorsaariaasertaamik ilinniartinneqarnissaannik peqataatinneqartalernerat, innuttaasorpassuimmi ajoqusersimanerminnit kingunerluuteqarlutik ulluinnarni inuusarmata. Qanittukkut WHO-mik oqaloqateqarnitsinni erseqqissumik paasivarput, inuiaqatigiinni imigassamik aalakoornartortalimmik atuinermi ajornartorsiutit kingunerluutinut tunngaviusut imigassamut tunngatillugu massakkut erseqqissumik inissisimasut tassaapput imigassaq kingunerlutsitsiinernut attuumassuteqanngitsoorsinnaanngimmat aammalu kingunerlutsitsinerit imigassamut atuumassuteqangitsoorsinnaanatik. Taamaammat kingunerluuteqartunik katsorsaanerup aanngajaarniutinik atuinermik katsorsaanerup imminnut ataqatigiilersinneqarnerat alloriarneruvoq pingaarutilik”, Peqqissutsimut Naalakkersuisoq Agathe Fontain oqarpoq.
Paasisaqarnerorusukkuit Naalakkersuisup allattaa Naja Lynge-Petersen e-mail: nalp@nanoq.gl imaluunniit oqarasuaammut uunga +299 34 66 41 attaveqarfigisinnaavat.