AtuartigukSanaartornermut atortussat nunatsinneersut; Nuummi Inuunerissaaviliornissamut immikkoortoq qitiusoq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Nuummi sukkasuumik Inuunerissaaviliortoqarpoq; ullut tamaasa siuariartortoqarlunilu illup ilusaa erseriartulerpoq. Tamanna pingasunngornermi 6. december, nalliuttorsiutigineqarpoq tamatumanilu Peqqinnissaqarfimmiut, Inuunerissaavimmi sulilersussat, kommunermiut Inuunerissaavimmi sulilersussat soqutiginnittullu allat aamma Ineqarnermut, Attaveqaasersuutinullu Naalakkersuisoq sanaartorfimmut illumut ammasumut qaaqqusaapput. Aaqqissuussinermi takkuttut sanaartugassap ilusaanik paasisaqarnissaminnut periarfissinneqarput.
Ineqarnermut Attaveqaasersuutinullu Naalakkersuisup oqaatigaa:
”Naalakkersuisut sanaartornernut atortussat nunatsinneersut atorneqarnerulernissaannut tunniussaqarniarlutik anguniagaqarput. Taamaattumik Namminersorlutik Oqartussat namminneq illuutaanni betonit betoninillu immikkuualuttut najukkani tunisassiarineqartut ilaatinneqarput. Betonimik atuinikkut sanaartukkat ninngusuujusarput tamannalu ilutigalugu najukkani namminersorlutik inuussutissarsiuteqartuni nutaaliornerit ineriartortitsinerillu tunngavissinneqarput.
Inuunerissaaviliortut pulaarlugit aamma nunatta nammineq aatsitassaataanik najukkani qanoq sanaartukkani takusinnaallugit misigisaq nuannerpoq. Inuunerissaaviliorneq sanaartornerni ineriartortitsinissanut periarfissanut assersuutaavoq aammalu tunisassiornissanut isumassarsiat pitsaasut inuiaqatigiinnut iluaqutaasumik ineriartortinneqarsinnaanerannut eqqortunik avatangiisinik piumasaqaatinillu pilersitsinissatsinnut pingaaruteqarnerannik erseqqissaataavoq.”
Najukkani betoniliat, atortussat nunatsinneersut, nunatsinni sanaartornernik suliaqartut immikkut ittumik sanaarisartagaat atorneqarput. Atortussanik toqqaanerni takusinnaasat paasiuminartut eqqissisimasullu pilersinneqarnissaat aamma maannakkut maani sanariaatsinut innersuussisoq siunertarineqarpoq, tassa beton qisullu ataatsimoortillugit atornerisigut. Beton illup najummisuinut ilaatinneqarpoq aamma sanaartukkami naammasseriikkami arlalinni takuneqarsinnaassaaq.
Beton sanaartornermi atortussiatut nunatsinneersutut isigineqarpoq, tassami akui nunatta aatsitassaataasa nammineq ilagimmassuk soorlu sioqqat, ujaraaqqat ujaqqallu nunatta iluanit piiarneqarsinnaasut. Sanaartornermi betonimik atuineq sanaartoriaatsip pisariillisarneqarneranut pitsaassusianullu pitsanngorsaataasaaq, uffa atortussanik tunisassiornerup najukkani namminersorluni inuussutissarsiuteqarnerni aningasaqarnernilu tunngavissiissasoq. Beton sanaatorfimmi toqqaannartumik kuineqartarpoq imaluunniit najukkami tunisassiarineqartarpoq immikkuualuttukkuutaarlugu taamaalillunilu ukioq naallugu sulisinnaaneq iluaqutitaraa. Tamakkununnga ilanngullugu beton sivisuumik atasinnaavoq, suliaq eqqortumik suliarineqarpat, taamaalillunilu illup atorneqarsinnaanerata sivisussusianut aserfallatsaaliinissamut aningaasartuutit ikinnerpaaffissat qulakkeerneqarlutik.
Paasisaqarnerorusukkuit Ineqarnermut Attaveqaasersuutinullu Naalakkersuisoqarfik box909@nanoq.gl-mut attavigiuk.
Ineqarnermut Attaveqaasersuutinullu Naalakkersuisup oqaatigaa:
”Naalakkersuisut sanaartornernut atortussat nunatsinneersut atorneqarnerulernissaannut tunniussaqarniarlutik anguniagaqarput. Taamaattumik Namminersorlutik Oqartussat namminneq illuutaanni betonit betoninillu immikkuualuttut najukkani tunisassiarineqartut ilaatinneqarput. Betonimik atuinikkut sanaartukkat ninngusuujusarput tamannalu ilutigalugu najukkani namminersorlutik inuussutissarsiuteqartuni nutaaliornerit ineriartortitsinerillu tunngavissinneqarput.
Inuunerissaaviliortut pulaarlugit aamma nunatta nammineq aatsitassaataanik najukkani qanoq sanaartukkani takusinnaallugit misigisaq nuannerpoq. Inuunerissaaviliorneq sanaartornerni ineriartortitsinissanut periarfissanut assersuutaavoq aammalu tunisassiornissanut isumassarsiat pitsaasut inuiaqatigiinnut iluaqutaasumik ineriartortinneqarsinnaanerannut eqqortunik avatangiisinik piumasaqaatinillu pilersitsinissatsinnut pingaaruteqarnerannik erseqqissaataavoq.”
Najukkani betoniliat, atortussat nunatsinneersut, nunatsinni sanaartornernik suliaqartut immikkut ittumik sanaarisartagaat atorneqarput. Atortussanik toqqaanerni takusinnaasat paasiuminartut eqqissisimasullu pilersinneqarnissaat aamma maannakkut maani sanariaatsinut innersuussisoq siunertarineqarpoq, tassa beton qisullu ataatsimoortillugit atornerisigut. Beton illup najummisuinut ilaatinneqarpoq aamma sanaartukkami naammasseriikkami arlalinni takuneqarsinnaassaaq.
Beton sanaartornermi atortussiatut nunatsinneersutut isigineqarpoq, tassami akui nunatta aatsitassaataasa nammineq ilagimmassuk soorlu sioqqat, ujaraaqqat ujaqqallu nunatta iluanit piiarneqarsinnaasut. Sanaartornermi betonimik atuineq sanaartoriaatsip pisariillisarneqarneranut pitsaassusianullu pitsanngorsaataasaaq, uffa atortussanik tunisassiornerup najukkani namminersorluni inuussutissarsiuteqarnerni aningasaqarnernilu tunngavissiissasoq. Beton sanaatorfimmi toqqaannartumik kuineqartarpoq imaluunniit najukkami tunisassiarineqartarpoq immikkuualuttukkuutaarlugu taamaalillunilu ukioq naallugu sulisinnaaneq iluaqutitaraa. Tamakkununnga ilanngullugu beton sivisuumik atasinnaavoq, suliaq eqqortumik suliarineqarpat, taamaalillunilu illup atorneqarsinnaanerata sivisussusianut aserfallatsaaliinissamut aningaasartuutit ikinnerpaaffissat qulakkeerneqarlutik.
Paasisaqarnerorusukkuit Ineqarnermut Attaveqaasersuutinullu Naalakkersuisoqarfik box909@nanoq.gl-mut attavigiuk.