Utoqqarmiut Kangerluarsunnguanni erngup nukinganikinnaallagissiorfiup allineqarnissaanut ASN akuerineqarpoq

Naalakkersuisut 18. decemberimi Utoqqarmiut Kangerluarsunnguanni erngup nukinganik innaallagissiorfiup/Nuup Eqqaani Utoqqarmiut Kangerluarsunnguanni innaallagissiorfiup allineqarnissaanut ASN akueraat. Akuersissut sanatitsisumut NunaGreen A/S-imut tunniunneqarpoq. ASN-imut akuersissut ASN-imut nalunaarut, kiisalu tamanut ammasumik tusarniaaneq, 2023-mi 6. juulimiit til 10. septembarimut ingerlanneqartoq tunngavigalugu tunniunneqarpoq.

"Utoqqarmiut Kangerluarsunnguanni erngup nukinganik innaallagissiorfiup allineqarnissaa Nuummi nukissiornerup piujuartitsinerusumik, mingutsitsinnginnerusumik isumannaannerusumillu ingerlalernissaanut alloriarneruvoq pingaarutilik. ASN-imut akuersissut tunniunneqartoq tunngavigalugu alliliineq avatangiisit ataqqillugit pissasoq naliliivugut. Kalaallit Nunaat tamakkerlugu nukissiornerup siunissaa qaamasuuvoq, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.

ASN sunaana?
ASN Avatangiisinut Sunniutinik Naliliinerup naalisaatigaa. ASN-imut nassuiaat suliassap avatangiisinut kingunissaanik tulleriiaaraluni saqqummiussinernik imaqartussaavoq. ASN-imut nassuiaat aamma suliniutinik, avatangiisinut kingunerluutaasussanut akiuiniarnermi atorneqarsinnaasunik imaqassaaq.

ASN-imut akuersissut sunaana?
ASN-imut nassuiaat tunngavigalugu sanaartukkap avatangiisinut sunniutissaat akuersaarneqarsinnaanersut, kiisalu suliassami ASN-imut akuersinissamut piumasaqaatit suussanersut Naalakkersuisut isummissapput.

Inatsisit
ASN-imut suliassaqarfimmut maleruagassaapput:

• Atortut ilaasa avatangiisinut sunniutaannik nalilersuineq aamma avatangiisinik nakkutilliinermut akiliutit pillugit Namminersorlutik Oqartussat nalunaarutaat nr. 5, 27. marts 2013-imeersoq
• Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq (kapitali 8).

Maalaaruteqarsinnaatitaaneq
Aalajangiineq pillugu maalaaruteqartoqassappat, taanna kingusinnerpaamik 29. Janaur 2024-mik uannga tiguneqarsimassaaq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik, Postboks 1614, 3900 Nuuk, imaluunniit pan@nanoq.gl.

ASN-imut akuersissut uani atuarneqarsinnaavoq.

Annertunerusumik paasisaqarusunnermi Naalakkersuisup allattaa Manasse Berthelsen tlf.: 34 56 03/54 88 68-mut imaluunniit e-mail: pan@nanoq.gl aqqutigalugu attaveqarfigineqassaaq