AtuartigukMúte Bruxellesimit: EU nunatsinni aappaagu allaffittaassaaq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut Siulittaasuat, Múte Bourup Egede Belgiami illoqarfiit pingaarnersaanniippoq. Taassuma EU-Kommissionip siulittaasua, Ursula von der Leyen, Bruxelles-imi ataatsimeeqatigaa.
Ataatsimiinnermi Kalaallit Nunaata EU-llu suleqatigiinnerat naqissuserneqarpoq.
- EU-Kommissionip qullersaa paaseqatigiiffiusumik pitsaasumillu ataatsimeeqatigaara. EU-p Nuummi aappaagu allaffeqarfeqalernissaa qilanaarisarput ilaatigut naqissuserparput, Múte Bourup Egede oqarpoq.
Naalakkersuisut Siulittaasuata EU-Kommissionip siulittaasua, Ursula von der Leyen, nunatsinnut upernaaru tikeraarnissaanut qaaqquaa. Taamatullu suleqatigiinnerup illugiimmik suli ineritataqarfiusumik ineriartornissaanik paaseqatigiiffigalugu.
Assi: EU.