2024-mi qilalugartassat

Naalakkersuisut decembarip 14-ianni 2023 ataatsimiinnerminni 2024-mut qilalugartassat aalajangerpaat.

Naalakkersuisut 2024-mi qaqortartassat qernertartassallu piniartut atuisullu ilisimasaat, Piniarneq pillugu Siunnersuisoqatigiit ilaasortaannit kommuninillu tusarniaaneq kiisalu Qilalukkat Ataatsimoorullugit Ataatsimiititaliami (JCNB) 2019-imi aamma NAMMCO-mi 2019-2022-mi inassuteqaatit tunuliaqutigalugit aalajangertarpaat.

2024-mi pisassiissutit pillugit tamanut ammasumik tusarniaaneq aggustip 17-iannit – oktobarip 1-iat 2023 tungaanut ingerlanneqartoq innersuutigineqarpoq.

Qilalukkat qaqortat
Kalaallit Nunaata kitaani 2024-mut qaqortanik qilalugartassat katillugit 294-iussasut aalajangerneqarpoq. Kiisalu Tunumi teknikikkut pisassiissutit  ukiuni 2022-2027 tamakkerlugit 30-t ingerlaqqiinnassasoq, 2022-2023-mi pisarineqareersut ilanngaatigalugit.

Kitaa
Kalaallit Nunaata kitaanut pisassiissutit, nunap ilaani immikkoortortanut 3-miit 5-imut
tunngasut, sunngiffimmi inuussutissarsiutigalugulu piniartunut atuuttunik piniarnermut allagartalinnut akuersissutilinnullu paggatassiissutigineqarput. Tamanna isumaqarpoq Naalakkersuisut kitaani qaqortaqatigiit pillugit Namminersorlutik Oqartussat qaqortat qernertallu illersorneqarnissaat piniarneqarnissaallu pillugu nalunaarummi nr. 3, 27 januar 2017-imeersumi § 9, imm. 3-miit sunngiffimmi piniarnermut allagartallit pisassiissutit 10 procentii angullugit tunniunneqarsinnaaneraniit immikkut akuersivoq.

Takussutissiaq 1a: Kitaani qilalukkanik qaqortanik 2024-mut pisassiissutit:

Takussutissiaq 1b: Qaanaamut eqqaanilu nunaqarfinnut qilalukkanut qaqortanut 2024-mut pisassiissutit.

Tunu
Naalakkersuisut qilalukkanik qaqortartassiivoq tamakkerlugit 30-nik ukiuni 2022-2027 atuuttumik. Tunumi ukiuni 2022-2027 qilalukkanut qaqortanut teknikikkut pisassiissutit katillugit 30-it allanngortinnagu attatiinnarneqarpoq, taamaallaat 2022-2023-mi 20-t pisarineqareersut ilanngaatigalugit, tassa qulit sinnerupput. 

Takussutissiaq 1c: Tunumi 2022-2027-mi qilalukkanut qaqortanut pisassiissutit allanngortinnagu – pisat ilanngaatigalugit.

Qilalukkat qernertat
Kalaallit Nunaata kitaani 2024-mut qernertanik qilalugartassat katillugit 455-iussasut aalajangerneqarpoq. Kiisalu Tunumi neqissaqarniarneq eqqarsaatigalugu pisassiissutit 2024-mi 41-ssasut aalajangerneqarluni.

Aammaarluni aqutsiveqarfinni qilalukkanik qernertanik 50-init ikinnerusunik pisassiissuteqarfiusuni qernertartassat paggatassiissutigalugit piniarnerup atorunnaarsinneqarnissaa aalajangerneqarpoq, tassami amerlasuunik pisassiissutillit pisassalinnut ikinnerusunut sanilliullugit pitsaanerusumik sivisunermillu nakkutigineqarsinnaasarmata, ikinnerusunimmi pisassaqartoqarnerani piniarnermi ataatsimi pisaqarpallaarneq nalaanneqarsinnaammat.

Tamanna aamma aqutsiveqarfimmut Upernavimmut atuuppoq, tassanimi pisassiinerit sumiiffimmi inoqarfinnut tamanut agguaanneqassammata. Tassa imaappoq; qilalukkanik qernertanik pisassiinerit paggatassiissutigalugit piniarneq taamaallaat Qaanaami Uummannamilu ingerlanneqarsinnaapput (taamaattorli piniarnermut allagartaq aamma uppernarsaat atuuttoq suli piumasaqaataassaaq).

Takussutissiaq 2a: Kitaani qilalukkanik qernertanik 2024-mut pisassiissutit:

* = Aqutsiveqarfik Upernavimmut eqqaanilu nunaqarfinnut pisassiissutit agguataarnerat takuuk takussutissiaq 2b-mi.
** = Aqutsiveqarfik Qaanaamut eqqaanilu nunaqarfinnut pisassiissutit agguataarnerat, takuuk takussutissiaq 2c-imi.
*** = Qaannamik pisassat.

Takussutissiaq 2b: Upernavimmut nunaqarfiinullu 2024-mut pisassiissutit agguataarnerat.

* 2023-imi pisanik sinniivallaarnerit pisassiissutiniit ilanngaatigineqassapput.

Qaannamik qernertartassat qulit allanngortinneqarsinnaanngillat.

Tabel 2c: Qaanaami nunaqarfiinilu qilalukkanik qernertanik pisassiissutit agguataarnerat.

Tunu
2024-mi pisassiissutit 2023-mut sanilliullugit pisassiissutinut allannguuteqarput, tassanilu aalajangerneqarpoq Ittoqqortoormiinut qernertanik pisassat 17-inut inissinneqarlutik, Kangerlussuarmut qernertat 16-it, kiisalu Tasiilap eqqaani qernertat 8-t, taamaalillutillu Tunu tamakkerlugu 2024-mut pisassat ataatsimut amerlassusaat 41-ssallutik. Tunumi neqissaqarniarneq eqqarsaatigalugu pisassiissutit aalajangerneqarput.

Allannguutitut aalajangerneqarpoq  piniartut Ittoqqortoormiuneersut piniarfik Kangerlussuarmut qilalukkanik qernertanik piniarsinnaanissaat periarfissanngussasoq, Tasiilami piniartunut periarfissaq assigalugu.

Takussutissiaq 3: Tunumut qilalukkat qernertat pillugit 2024-mut pisassiissutit: