Nuna tamakkerlugu 2024-mi arfernut angisuunut pisassiissutit

Kalaallit Nunaannut arferit angisuut pisassiissutigineqartut Arfanniarnermut Ataatsimiititaliarsuup (IWC) inassutai naapertorlugit aalajangerneqartarput, ataatsimiitsitaliarsuaq pisassiissutigineqartut amerlassusiinut aalajangiisartuuvoq. Ukiunut arfineq marlunnut 2019-imit 2025-mut atuuttumik pisassiisoqarpoq, ukiumut pisassiissutaasarlutik tikaagulliusaat, arfiviit, qipoqqaat, Kitaani tikaagullittassat aamma Tunumi tikaagullittassat.

Ilisimatitsissutigineqassaaq pisat decembarip 31-at 2023-p kingorna kisinneqareerpata pisassiissutissat aalajangerneqarumaarmata, taamaammat pisassiissutigineqartut amerlassusissaat allannguuteqarsinnaapput. 2024-mut pisassiissutigineqartut imaapput:

Tikaagulliusaaq
Tikaagulliusaat Kitaani pisassiissutigineqartut tamakkerlugit 19-iupput. Angallatit tikaagulliusaarniarnissamut teknikikkut piumasaqaatinik nalunaarutit ataanni allassima-sut naapertorlugit naammassinnissimasutut akuerineqarsimasut januaarip aallaqqaataa-nit decembarip 31-annut tikaagulliusaarniarsinnaatitaapput.

Arfivik
Kitaanut arfiviit marluk pisassiissutigineqarput. Angallatit, pingaartumik Qeqertarsuup Tunuani angerlarsimaffeqartut arfivinniarnissamut teknikikkut piumasaqaatinik nalunaarutit ataani allassimasut naapertorlugit naammassinnissimasutut akuerineqarsimasutapriilip aallaqqaataanit decembarip 31-annut arfivinniarsinnaapput.
Arfivinnik qularnaatsumik isumannaatsumillu piniarneq ukiut siuliinitut piumasaqaateqar-toqassaaq, Namminersorlutik Oqartussat, kommunet piniartullu qanimut suleqatigiinnis-saannik piumasarineqassalluni.

Qipoqqaq
Kitaanut qipoqqartassiissutit tamakkerlutik quliupput. Angallatit qipoqqarniarnissamut teknikikkut piumasaqaatinik nalunaarutit ataani allassimasut naapertorlugit naammas-sinnissimasutut akuerineqarsimasut januaarip ulluisa aallaqqaataannit decembarip 31-annut qipoqqarniarsinnaapput.

Tikaagullik
Kitaa
Kitaani tikaagullittassat tamakkerlutik 164-iupput. Angallatit kiisalu ataatsimoorluni tikaagullinniarnissamut teknikikkut piumasaqaatinik nalunaarutit ataani allassimasut naapertorlugit naammassinnissimasutut akuerineqarsimasut januaarip ulluisa aallaqqaataannit decembarip 31-at ilanngullugu tikaagullinniarsinnaapput.
Piniaqatigiillutik qoorortoorsorlutik tikaagullinniat januaarip ulluisa aallaqqaataannit decembarip 31-at ilanngullugu tikaagullinniarsinnaassapput.

Tunu
Tunumi tikaagullittassiissutit tamakkerlutik 20-upput. Ataatsimoorluni tikaagul¬lin-niarnissamut teknikkikkut piumasaqaatinik nalunaarutit ataani allassimasut naapertorlugit naammas¬sin¬nissimasutut akuerineqarsimasut januaarip ulluisa aallaqqaataannit decembarip 31-at ilanngullugu tikaagullinniarsin¬naapput.

Nunatta Kitaanut Tunumullu pisassat nalunaarutigineqassapput:
Nunap immikkoortuinut ukiumi tullermi pisassiissutissat immikkut nalunaarutigine¬qaru-maarput.

2023-mi pisarineqanngitsoortunik nuussisoqarsinnaanera naapertorlugu 2024-mi pisassiissutit nalimmassarneqarsinnaapput. Taakkua immikkut nalunaarutigineqarumaarput.

Piniarnissani piumasaqaatit (www.nalunaarutit.gl)
Arfernik angisuunik uku tunngavigalugit piniartoqarsinnaavoq:

• Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 9, 6. december 2018-imeersoq.
• Arfattat angisuut pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12, 16. juli 2010-meersoq.

Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen saaffigineqarsinnaavoq, e-mail: amalie@nanoq.gl