Quppernerup imarisaanut ingerlaqqigit
Oqaaseq toqqaruk

Kalaallisut ( Toqqarneqarpoq )

Qallunaatut

🔈 Atuartiguk

Avatangiisinut Aningaasaateqarfimmut qinnuteqarnissat ammaanneqarput

Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik

Isumassarsiatsialammik, avatangiisinut iluaqutaasumik aammalu Kalaallit Nunaanni mingutsitsinermik annikillisaataasinnaasumik peqarpit? Naalakkersuisut 2024-mut Avatangiisinut Aningaasaateqarfimmut qinnuteqarnissamut ammaassipput.

Avatangiisinut Aningaasaateqarfiup suliassanut, suliniutinik piujuartitsiviusussanik nutaanik misileraanermut sulianut pingaarutilinnut aningaasanik agguaassisarnermigut nuna tamakkerlugu avatangiisini pissutsinut pitsanngorsaataasussanut tapersiisarpoq.

2024-mi sunut tapiissuteqartoqarnissaanik qinnuteqartoqarsinnaava?
Ukiut tamaasa avatangiisini suliassanut, suliassaqarfiit aalajangersimasut iluanni mingutsitsinngitsunut allannguiffiusussanut aningaasanik immikkoortitsisoqartarpoq.

2024-mi suliassanut, immikkoortut tallimaasut uku iluanni ingerlanneqartussanut aningaasanik qinnuteqartoqarsinnaavoq:

  • Anartarfilerinermi imermullu errortuutikumut aaqqiissutissanut misiligutitut suliat.
  • Aalisarnermi atortunik annaasanik piniariartarfinnillu saliineq.
  • Eqqakkanik immikkoortiterinermut, atueqqiinermut issunngortitsinermulluunniit, kiisalu suliassanut plastikkit sequnnerinik aniatitsinermik annikillititsisussanut
  • Eqqagassalerinermik piorsaanermut tunngatillugu kommunini suliat
  • Suliat, innuttaasut suliffeqarfiilluunniit avatangiisinik eqqumaffiginninnerulernerinik kinguneqartussat.

Suliassanut 10.000 koruunit sinnerlugit nalilinnut tapiiffigineqarnissamik qinnuteqartoqarpat, qinnuteqartup 25%-inik aningaasaleeqataanissaa piumasarineqarpoq. Suliassanut 10.000 koruuninik inorlugilluunniit nalilinnut aningaasaleeqataanissamut piumasaqaat atuutsinneqanngilaq.

Ilaatigut kommunit, inuussutissarsiutinik ingerlataqartut, atuaqatigiit, inuit namminneq aamma NGO-t aningaasanik qinnuteqarsinnaapput.

Qinnuteqarnissaq 12. februaari 2024.

Avatangiisinut Aningaasaateqarfik pillugu uani atuagaqarit, tassanilu qinnuteqarnissamut immersugassaq nassaaralugu: https://www.sullissivik.gl/Emner/E_Milljoefonden/Ansoeg-om-midler-fra-miljoefonden?sc_lang=kl-GL&segment=business

Attaveqarfissaq
Sukumiisumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik attaveqarfigineqassaaq, e-mail: pan@nanoq.gl.