Quppernerup imarisaanut ingerlaqqigit
Oqaaseq toqqaruk

Kalaallisut ( Toqqarneqarpoq )

Qallunaatut

🔈 Atuartiguk

Twice Colonized” kalaallisut piviusulersaarut Washington D.C, USA-mi isiginnaartinneqarnera

Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik

Aaju Peter Emile Hertling Péronardilu oqallitsitsinermi Scandinavian Houseimi New Yorkimi. Assiliisoq: Signe Swanson/ASF novembarip 30-ani 2023.

Kalaallit Nunaata Sinniisoqarfia Washington D.C-imi danskit aallartitaqarfiat USA-miittoq suleqatigalugu, TWICE COLONIZED kalaallit-canadamiut-danskit piviusulersaarutaat inunnut aaliangersimasunut takutinneqarpoq. Inunnut takutinneqartunut tassaapput Issitumi suleqataasut amerikamiullu politikkikkut aaliangiisuusartut amerikkami illoqarfimmi pingaarnersami. Aaqqissueqatigiinneq pivoq aqutsisut akornanni, Kalaallit Nunaata Sinniisoqarfiani USA-mi pisortaq, Kenneth Høegh naalagaaffiillu aallartitaat, Stig Piras, DCM danskit aallartitaqarfiani.

Isiginnaartitsinermi aammattaaq Kalaallit Nunaanniit assagissat raajallu sassaalliutigineqarput, Royal Greenlandimiit baajallu Qajaq Narsamiit taperneqarlutik. Great Greenland juullerpaluttunik puisip amianit sanaat isiginnaarianut tunissutigineqarsimapput.

Kalaallit Nunaata Sinniisoqarfiani USA-mi pisortaq, Kenneth Høegh tikilluaqqusilluni oqalugiarnermini Aaju Peter tikilluaqquaa, arnallu piorsarsimassusermi oqaatsinilu pingaaruteqarnerat eqqaavaa. Aaju Piitap suliaqarnera pingaaruteqarsimavoq - Inuit siunissami ingerlalluarnerunissaannut anguniagaqarnermi tapersiissuteqarnermi suli pingaaruteqarpoq - siunissaq nunap inoqqaavi empowermentiat tunngavigalugu, imatut paasillugu aqutsilluni akisussaaffeqarlunilu inuunerminnut siunissamullu.

Kenneth Høeghip erseqqissarpaa naak Inuit piorsarsimassusaat oqaatsillu Canadami, Alaskami Kalaallit Nunaannilu inooqatigiinnut sakkortuumik nalimmassarneqaraluarlutik, ingammik ukiut untritillit naalernerani, sumi tamaani Inuit-nunaanni Kalaallit Nunaanniit Alaskamut pisarneq malillugu iliuut piorsarsimassuseq oqaatsillu uummaqqipput - Inuillu akornanni oqaatsit pisarneq malillugu iliuutsitoqaat paaseqqilerpaat.

Piviusulersaarummi inuttaa pingaarneq, inatsisilerisoq nunallu inooqqaavinut ilungersuussisoq, Aaju Peter ingerlatsisorlu Emile Hertling Péronard Ánorâk Film-miit, isiginnaartitsinermi peqataapput kingornalu oqallitseqataallutik, amerikkami Woodrow Wilson Center´s Polar Initiativeimi pisortaq, Dr. Rebecca Pincus aqutsisoralugu.

Aaju Peter aamma Emile Hertling Péronard inooqatigiinnut pinngitsaalisamik nalimmassarneqarnerat inunnut annertuumik eqqugaanerat eqqaavaat, ingammik Nunavut soorlu Kalaallit Nunaat, danskimiit canadamiullu 1950-kunni siumullu, annertuumillu kingunipilutsitsinerit soorlu paasititsiniaanerit puisit amiinut Inuit-inooqatigiinnut kingunipilutsitsipput Inuit aningaasaqarneranut Inuillu piorsarsimassusaannut. Aaju Piitap puisinniarnermi piujuartitsinermit akuerineqarnissaanut sulissutaasoq eqqaavaa, puisip amia atorneqarnissaanut akuerineqarnissaa suli sulissutigineqarpoq, pisarneq malillugu puisinniarnermi piujuartitsineq aqqutigalugu katersinissamut. Tamanna ajornartorsiutaavoq, ingammik Europami EU-milu soorlu USA-mi, oqallitsitsinermi naalagaaffiit ataatsimooqatigiit amerikkami inatsit 1972-imiit nutaanngitsoq eqqaaneqarpoq, imarmiutanik USA-mi niuertitsineq suli inerteqqutaavoq, tassunga puisit.

Emile Hertling Péronard Ánorâk Film-miit oqaaseqaataa:
“Kalaallit piviusulersaarutaat nunarsuarmi inissaqartariaqarpoq, taamaattumillu qujarusuppunga Kalaallit Nunaata Sinniisoqarfianut, ikiormatigut “Twice Colonized” USA-mi takutinneqarnissaanut. Ukioq manna siullerpaamik kalaallit Ocarimiipput, tassaavorlu filmeeraliaq “Ivalu”. Naak Kalaallit Nunaat Oscar ataatsimiititaliaqaraluarluni, kalaallit filmit piumasaqaatinut naleqqutinngillat. Taamaattumik ajunngitsupilussuuvoq, “Twice Colonized”-ip Oscarinnanniunnissamut anngunniunnissaanut iluatsikkipput, ilimagaaralu Kalaallit Nunaata Sinniisoqarfia maanna ikioraatigut qinigassatut siunnersuutigineqarnissatsinnut qanillisilluta.”

Kingorna Twice Colonized-meersut piviusulersaarut Scandinavia House New York-imi takutippaat, sinniisoqarfillu peqataalluni.

Erseqqinnerusumik paasisaqarusukkuit Rebecca Lynge rejl@nanoq.gl imaluunniit Emile Hertling Péronard, Ánorâk Film emile@emileperonard.dk


  • Kalaallisut: Saamerlermiit, sinniisoqarfimmi tullersorti, Rebecca Lyngeip American Woodrow Wilson Center's Polar Initiativeimi pisortaq, Dr. Rebecca Pincus oqaloqatigigaa. Talerperlermi takuneqarsinnaavoq, Dubside, qajarnermi kalaallisut iisimasaqarluartoq. Assiliisoq: Kalaallit Nunaata Sinniisoqarfia novembarip 29-ani 2023.

  • Kalaallisut piviusulersaarut takutinneqareermat, isiginnaariat soqutiginartunik apeqquteqarput. Assiliisoq: Kalaallit Nunaata Sinniisoqarfia novembarip 29-ani 2023.

  • Kalaallit Nunaata Sinniisoqarfiani pisortaq, Kenneth Høegh nuliaalu Pitsi Høegh isiginnaariat akornanni. Assiliisoq: Kalaallit Nunaata Sinniisoqarfia novembarip 29-ani 2023.

  • Aaju Peter Emile Hertling Péronardilu oqallitsitsinermi. Oqallitsitsinermi aqutsisoq talerperlermi American Woodrow Wilson Center's Polar Initiativeimi pisortaq, Dr. Rebecca Pincus takuneqarsinnaavoq. Assiliisoq: Kalaallit Nunaata Sinniisoqarfia novembarip 29-ani 2023.

  • Receptionimi “Twice Colonized”-ip takutinneqanngilaataa. . Assiliisoq: Kalaallit Nunaata Sinniisoqarfia novembarip 29-ani 2023.

  • Kalaallisut piviusulersaarut takutinneqareermat, Kalaallit Nunaata Sinniisoqarfia Washingtonimiittoq Scandinavian Houseimi New Yorkimi peqataavoq. Talerperlermiit , Marie-Kathrine Barlaj Lyberth, Inga Lynge, Rebecca Lynge, Kenneth Høegh, Aaju Peter, Berit Basse, Pitsi Høegh Emile Hertling Péronardilu. Assiliisoq: Signe Swanson/ASF novembarip 30-ani 2023.