AtuartigukAalisakkat pillugit Savalimmiunut 2024-mut isumaqatigiissuteqarfigineqarput
Nassiussisuuvoq: Aalisarnermut Piniarnermullu Naalakkersuisoqarfik
Kalaallit Nunaat 2024-mut aalisarneq pillugu Savalimmiunik isumaqatigiissuteqarpoq, taanna Savalimmiut imartaanni kalaallit aalisarnerannut aamma Kalaallit Nunaata imartaani Savalimmiormiut aalisarnerannut 2024-mi tunngaviliisuussaaq.
Pingaarutilittut taasariaqarpoq aalisartut Kalaallit Nunaanneersut Savalimmiut imartaanni saarullernanik 2.000 tonsinik 2023-mut sanilliullugu amerlanerusunik 2024-mi aalisarsinnaassammata. Taamaalilluni aalisartut Kalaallit Nunaanneersut ikerinnarsiorlutik aalisartut pitsaanerusumik aalisarnissaminnut periarfissaqalissapput. Paarlattuanik ammassassuit pisassiissutigineqartut 1000-nik ikilineqarput, taakku aalisarneqarnissaannut siunnersuutigineqartut ikileriarmata. Savalimmiormiut aalisartui Kalaallit Nunaata imartaani 2024-mi pisassaat allannguuteqanngillat.
Isumaqatiginninniarnerit Danmarkimi Kalaallit Nunaata Sinniisoqarfianni Københavnimiittumi atorfilittanit novembarip 30-anni ingerlanneqarput. Kalaallit aallartitaat Aalisarnermut Piniarnermullu Naalakkersuisoqarfimmit siulersorneqarpoq, ilaallutik KANUAANA, Aningaasaqarnermut Akileraartarnermullu Naalakkersuisoqarfik, Pinngortitaleriffik aalisarnermillu inuussutissarsiortut sinniisaat aamma peqataallutik.
Isumaqatigiissummut tapiliussaq kalaallisut nutserneqarsimalerpat nittartakkakkut saqqummersinneqassaaq.
Tabelimi atuarneqarsinnaapput 2024-mut pisassiissutit paarlaassutigineqartut aamma ukiup siuliani pisassiissutigineqartut tonsinngorlugit:
Takussutissiaq 1: 2014-2024-mi Kalaallit Nunaata aamma Savalimmiut pisassiissutinik paarlaasseqatigiinneri
Saarullernanik NEAFC-mi Kalaallit Nunaannut pisassiissutigineqartut tamarmik Savalimmiut imartaanni aalisarneqarsinnaapput.
Erseqqinnerusumik paasisaqarusukkuit Katrine Kærgaard, Aalisarnermut, Piniarnermut Nunalerinermullu Naalakkersuisoqarfimmi Immikkoortortaqarfimmi pisortaq attavigineqarsinnaavoq, e-mail: katk@nanoq.gl