AtuartigukAalisarsinnaanermut akuersissutit pisassiissutillu pillugit nalunaarut allannguuteqarpoq
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut novembarip 23-anni 2023-mi aalajangerput Namminersorlutik Oqartussat aalisarsinnaanermut akuersissutinut pisassiissutinullu nalunaarut allanngortinneqassasoq.
Nalunaarut arlalinnik allannguuteqarpoq. Allannguinermi pingaartinneqarpoq nalunaarutip ullutsinnut naleqquttuunissaa aamma innuttaasunut oqartussa-nullu paasiuminartuunissaa.
Nalunaarut allanngortinneqartoq decembarip aallaqqaataani 2023-mi atuutilissaaq.
Nalunaarummi uku allanngortinneqarput.
- Aalisarsinnaanermut akuersissut decembari aallaqqaataatinnagu atorneqanngippat, tassa atuinerup annertussusia 0-iuppat, ukiup tulliani aalisarsinnaanermut akuersissummik tunineqarsinnaajunnaartoqassaaq. Tamanna aalisarsinnaanermut akuersissummi allaqqassaaq. Tamassumani immikkut akuersisoqarsinnaanera atuutilersinneqassaaq. Takujuk paragraf 20.
- Aalisartut angallatip ajutoornera, napparsimaneq tunitsivissaqannginneq il.il. pissutigalugit qaammatisiutit malillugit ukiup siulianit assinganik aalisarsinnaanermut akuersissummik pissarsisinnajunnarnikut immikkut akuerineqarsinnaanerannik periarfissaq nutaaq. Takujuk paragraf 20, immikkoortoq 3.
- Aalisartut angallammi sulisut inuussutissarsiutigalugu aalisarsinnaaner-mut akuersissummik pissarsisinnaanerannik immikkut akuersissuteqar-nissamik periarfissaq nutaaq. Takujuk paragraf 23.
- Misileraalluni aalisarneq pillugu paragrafit nutaat, taakkunani misileraa-lluni aalisalernissamut tunniussinermullu allaffissornikkut suliaqarnerit erseqqissarneqarput. Takuuk kapitali 7.
- Attartornermut isumaqatigiissutit pillugit immikkoortoq nutaaq. Anga-llammik nunamit allaneersumik attartornermut aamma nunanit allanit angallammik Kalaallit Nunaanneersumik attartornermut uppernarsaasi-ornissamut piumasaqaatinik nutaanik imaqarpoq. Nakkutilliinitsinnut nunat tamat akornanni piumasaqaatit eqqortinneqarnissaat qulakkeer-niarlugu nutaanik piumasaqaateqarpoq. Takuuk kapitali 8.
Nalunaarut allannguutilik uani atuarsinnaavat
Paasissutissanik amerlanerusunik Aalisarnermut Piniarnermullu Naalakkersui-soqarfimmut paasiniaasinnaavutit. APN@nanoq.gl