Nannuttassiissutit 2024-moortut

Aalisarnermut Piniarnermullu Naalakkersuisup nannuttassiissutit 2024-moortut akuersissutigai. Nannuttassiissutit ilisimatuussutsikkut inassuteqaatit, tusarniaanerit naalakkersuinikkullu aalajangiinerit aallaavigalugit agguaanneqarput.

Naalakkersuisoq aamma aalajangerpoq allatut ajornartumik illersuisariaqalernermik aamma iller-suisussaatitaanermik tunngaveqartumik nannut nuna tamakkerlugu pisassiissutiniit 10-t illuartinne-qassasut, takuuk nannut pillugit nalunaarummi § 5, imm. 2. Taakku pisanut nalunaarutinut ilanngunneqartassapput taamatut pisoqartillugu.

Aammattaaq Naalakkersuisoq aalajangerpoq kulturi tunngavigalugu pisassiissutit “kulturkvote”, kommunit ileqqutoqqat atorlugit piniartoqarfiusut kajumissaarneqassasut pisassiissutaareersut iluannit tassunga illuartissinnaanissaat, soorlu assersuutigalugu qimussimik nannunniarneq.

Agguaassinerit imaapput:


Nanoqatigiinni sisamani tamani nannuttassiissutit ukiup siulianut sanilliullugit allannguuteqanngillat. APN sumiiffinnut arlaannaannulluunniit inassuteqaatinik nutaanik tigusaqanngilaq.

2023-mut nannuttassiissutinit pisarinngitsuukkat 2024-mut nuunneqassapput (carry-over), taama-tut nuussinermi ukiumiit ukiumut periuseq pisassiissutinut amerliartuutaanngitsoq malinneqas-saaq, nanoqatigiit kommunillu iluanni.


Annertunerusumik paasisaqartoqarusukkuni Aalisarnermut Piniarnermullu Naalakkersuisoqarfim-mi immikkoortortaqarfimmi pisortaq Amalie Jessen, tlf. 34 53 04 e-mail amalie@nanoq.gl aqquti-galugit attavigineqarsinnaavoq