AtuartigukAalisarneq pillugu inatsisissatut siunnersuummut tusarniaaneq aallartinneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Tusarniaaneq sapaatip akunnerini arfineq pingasuni sivisussuseqassaaq. Naatsorsuutigineqarpoq Aalisarneq pillugu inatsisissatut siunnersuut Inatsisartut upernaakkut 2024-mi ataatsimiilerpata saqqummiunneqassasoq.
Tusarniaanermi aalisarneq pillugu Inatsisartut inatsisissaattut siunnersuut kiisalu aalisarneq pillugu inatsisissatut siunnersuummut nalinginnaasumik nassuiaatit nassiunneqarput.
Siunnersuummut oqaaseqaatit Aalisarnermut Piniarnermullu Naalakkersui-soqarfimmut kingusinnerpaamik januaarip 24-anni 2024-mi nassiunneqariissapput.
Aalisarneq pillugu inatsisissatut siunnersuut Naalakkersuisut politikkiannut tulluussarneqarsimavoq ukulu tunngavigalugit suliaalluni:
Aalisakkanik pisuussutit inuiaqatigiit pigisaraat
Uummassusilinnik piujuartitsineq
Piujuartitsilluni aningaasarsiorneq
Inuiaqatigiinni piujuartitsineq
Allaffissornermi politikikkut akuliusimasoqassanngitsoq
Paasissutissanik katersineq ammasumillu pissuseqarneq
Tusarniaanermut paasissutissat amerlanerit Naalakkersuisut.gl-mi atuarneqarsinnaapput. Uani: https://naalakkersuisut.gl/Hoeringer?sc_lang=kl-GL.
Paasissutissat pillugit Aalisarnermut Piniarnermullu Nalaakkersuisoqarfimmut, APN@nanoq.gl-imut paasiniaasoqarsinnaavoq.