AtuartigukMeeqqat pillugit Oqaaseqartartup Aviâja Egede Lyngep nersorneqarnera
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Aviâja Egede Lyngep sulinera nalitoqaaq inuiaqatigiinnullu tunissutaalluni, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede taama oqaaseqarpoq.
Kalaallit Nunaanni meeqqat pisinnaatitaaffii pillugit sullissivimmeersoq Meeqqat pillugit Oqaaseqartartup, Aviâja Egede Lynge, Ataqqinartorsuarmit Dronning Margrethemit Christiansborg Slotimi Ebbe Munckip Nersornaasiuttagaanik ulloq 14. Novembari tunineqarpoq.
Ulloq manna inuiaqatigiinnut tamanut pingaarutilerujussuuvoq, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede, Aviâja Egede Lyngep Nunatsinni meeqqanut inuusuttunullu atugarliortunut ilungersorluni suliaqarsimaneranut qujalluni taama oqaaseqarpoq,
- Ukioq manna nersornaasiissutaasussaq Kalaallit Nunaannut tamanut immikkut illuinnartuuvoq. Aviâja Egede Lynge ukiorpassuarni Kalaallit Nunaata meerartai inuusuttortaalu pillugit sorsuuteqartuarsimanera, tassani meeqqat atugarisaat malunnaatilimmik pitsaasumik allannguuteqartoqarnissaanut patajaallisaasoqarnissaanullu pilersitsisimanera malunnartinneqartussanngorpoq. Aviâja Egede Lynge, malunnaatilimmik suliniuteqarsimanerit pillugu qutsavigaakkit. Piumassuseqarnerit aallussinerillu nalitoqaat inuiaqatigiinnullu tamanut tunissutaallutik, taakkua ukiorpassuarni aggersuni meerartatsinnut kinguaatsinnullu suli pingaaruteqartuaannartussaasut, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede taama oqarpoq.
Ebbe Munckip Nersornaasiisarnera 1975-imi pilersinneqarpoq Ebbe Munckillu soqutigisaqarfigisaata iluani suliassaqarfinni inunnut immikkuullarissunik sulianik naammassinnissimasunut tunniunneqartarlutik.
Sukumiisumik paasisaqarusukkuit naalakkersuisup allattaa Lars Salik H. Kielsen e-mailikkut salik@nanoq.gl imaluunniit oqarasuaatikkut: +299 34 50 00 attavigiuk.
Kalaallit Nunaanni meeqqat pisinnaatitaaffii pillugit sullissivimmeersoq Meeqqat pillugit Oqaaseqartartup, Aviâja Egede Lynge, Ataqqinartorsuarmit Dronning Margrethemit Christiansborg Slotimi Ebbe Munckip Nersornaasiuttagaanik ulloq 14. Novembari tunineqarpoq.
Ulloq manna inuiaqatigiinnut tamanut pingaarutilerujussuuvoq, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede, Aviâja Egede Lyngep Nunatsinni meeqqanut inuusuttunullu atugarliortunut ilungersorluni suliaqarsimaneranut qujalluni taama oqaaseqarpoq,
- Ukioq manna nersornaasiissutaasussaq Kalaallit Nunaannut tamanut immikkut illuinnartuuvoq. Aviâja Egede Lynge ukiorpassuarni Kalaallit Nunaata meerartai inuusuttortaalu pillugit sorsuuteqartuarsimanera, tassani meeqqat atugarisaat malunnaatilimmik pitsaasumik allannguuteqartoqarnissaanut patajaallisaasoqarnissaanullu pilersitsisimanera malunnartinneqartussanngorpoq. Aviâja Egede Lynge, malunnaatilimmik suliniuteqarsimanerit pillugu qutsavigaakkit. Piumassuseqarnerit aallussinerillu nalitoqaat inuiaqatigiinnullu tamanut tunissutaallutik, taakkua ukiorpassuarni aggersuni meerartatsinnut kinguaatsinnullu suli pingaaruteqartuaannartussaasut, Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede taama oqarpoq.
Ebbe Munckip Nersornaasiisarnera 1975-imi pilersinneqarpoq Ebbe Munckillu soqutigisaqarfigisaata iluani suliassaqarfinni inunnut immikkuullarissunik sulianik naammassinnissimasunut tunniunneqartarlutik.
Sukumiisumik paasisaqarusukkuit naalakkersuisup allattaa Lars Salik H. Kielsen e-mailikkut salik@nanoq.gl imaluunniit oqarasuaatikkut: +299 34 50 00 attavigiuk.