AtuartigukNaalakkersuisoqarfimmi pisortaq atorfimminni ingerlaannassaaq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Naalakkersuisut aalajangerpaat, Ruth Lindhardt, Ineqarnermut Attaveqaqatigiinnermullu Naalakkersuisoqarfimmi pisortaasoq atorfimmini ingerlaannassasoq.
2017-imili naalakkersuisoqarfimmi pisortaavoq, atorfillu taanna ingerlatiinnassallugu. Aasianneersuuvoq Odense Universitetimiillu Nunani tamalaani pilerisaarinermi (international markedsføring) cand. merc.-iulluni.
Ineqarnermut Attaveqaasersuutinullu Naalakkersuisoq Hans Peter Poulsenip Ruth Lindhardtip naalakkersuisoqarfimmi pisortatut ingerlaqqinnera nuannaarutigaa.
"Ruth Lindhardtilu suleqatigiilluarnerput nangissallugu qilanaarutigaara. Naalakkersuisoqarfimmi suliat suliarineqartartut iternga tikillugit ilisimasaqarfigai aammalu aqutsisutut siammasissumik ilisimasaqarlunilu misilittagaqqortuujuvoq", Hans Peter Poulsen oqarpoq.
Sukumiinerusumik paasisaqarusukkuit Naalakkersuisumut allattaagallartoq attavigisinnaavat:
Erika Nielsen Baadh, oqarasuaat: 550404, mail: enba@nanoq.gl