AtuartigukIlinniartup toqunerani aappaasoq inooqataasorluunniit qimagaasoq qitornaqarsimappallu qitornaasut ilinniartut ineqarfiini ineqaannarsinnaanngorput
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Ilinniarnerup nalaani ilinniartoq toquppat aappaasoq inooqataasorluunniit qimagaasoq qitornaqarsimappallu qitornaasut piffissap pisariaqartinneqartup iluani inissamik allamik nassaarnissamut periarfissaqalernerat Meeqqanut, Inuusuttunut, Ilinniartitaanermut, Kultureqarnermut Timersornermut Ilageeqarnermullu Naalakkersuisup, Aqqaluaq B. Egedep nuannaarutigalugu nalunaarutigaa.
Naalakkersuisut inatsisissatut siunnersuutaanni pingasunngorneq 8. november 2023-mi Inatsisartunit akuersissutigineqartumi siunertaavoq qulakkiissallugu aappaasut inooqataasullu qimagaasut qitornaasullu ilinniartut ineqarfiini qaammatit sisamat angullugit najugaqaannarsinnaanngornissaat.
Inatsisartuni siunnersuutip oqaluuserineqarnerani annertuumik isumaqatigiittoqarpoq. Aappaasoq inooqataasorluunniit qimagaasoq qitornaqarsimappallu qitornaasut ilinniartup toquneranit kingusinnerpaamik ullut qulit qaangiunneranni ilinniartut ineqarfiinit anereersimanissaata atorunnaarsinneqarneratigut tuppallersaaserneqarnissaat Naalakkersuisup neriuutigaa.
”Qimagaasunut artornartumik nalaataqartunut inuppalaartumik pissusilersornissaq Meeqqanut, Inuusuttunut, Ilinniartitaanermut, Kultureqarnermut Timersornermut Ilageeqarnermullu Naalakkersuisutut pingaartippara. Ilinniartup toqunerata kinguninnguatigut qimagaasut inissaqarniarneq pillugu erloqisinneqartariaqanngillat, aliasunnissaminnullu periarfissaqartinneqartariaqarput.”
Ilinniartut ineqarfiini najugaqartunut attartuinermik isumaqatigiissummik Naalakkersuisut atorunnaarsitsinissaat pillugu piumasaqaammut saneqqussisinnaaneq inatsimmik allannguinerup aamma siunertaraa, taamatullu ilinniartut ineqarfiini najugaqartup ilinniakkap naammassineranit kingusinnerpaamik ullut qulit qaangiunneranni inimit anereersimanissaa aamma allanngortinneqarluni. Ilinniartut ineqarfiini ineqarunnaarneq peqqutigalugu Ilinniartup ilinniakkap naammassineranut atatillugu nalliuttorsiornermut peqataanngitsoortinneqarsinnaajunnaarnissaa allannguinerup qulakkiissavaa.
Kiisalu ilinniartup inoqutini peqatigalugit sungiusarluni suliartornerata nalaani imaluunniit ilinniarfimmut ilinniariartornerata nalaani ilinniartup inaata Naalakkersuisunut atugassanngortinneqartarnissaa inatsimmik allannguinerup aamma siunertaraa.
Ilinniartut ineqarfii pillugit Inatsisartut inatsisaannut allannguutissaq 1. januar 2024-mi atuutilersinneqassaaq.
Amerlanerusunik paasissutissinneqarusukkuit naalakkersuisumut allatsi, Rosa Thorsen attavigisinnaavat: rose@nanoq.gl imaluunniit oqarasuaat 34 57 02.
Naalakkersuisut inatsisissatut siunnersuutaanni pingasunngorneq 8. november 2023-mi Inatsisartunit akuersissutigineqartumi siunertaavoq qulakkiissallugu aappaasut inooqataasullu qimagaasut qitornaasullu ilinniartut ineqarfiini qaammatit sisamat angullugit najugaqaannarsinnaanngornissaat.
Inatsisartuni siunnersuutip oqaluuserineqarnerani annertuumik isumaqatigiittoqarpoq. Aappaasoq inooqataasorluunniit qimagaasoq qitornaqarsimappallu qitornaasut ilinniartup toquneranit kingusinnerpaamik ullut qulit qaangiunneranni ilinniartut ineqarfiinit anereersimanissaata atorunnaarsinneqarneratigut tuppallersaaserneqarnissaat Naalakkersuisup neriuutigaa.
”Qimagaasunut artornartumik nalaataqartunut inuppalaartumik pissusilersornissaq Meeqqanut, Inuusuttunut, Ilinniartitaanermut, Kultureqarnermut Timersornermut Ilageeqarnermullu Naalakkersuisutut pingaartippara. Ilinniartup toqunerata kinguninnguatigut qimagaasut inissaqarniarneq pillugu erloqisinneqartariaqanngillat, aliasunnissaminnullu periarfissaqartinneqartariaqarput.”
Ilinniartut ineqarfiini najugaqartunut attartuinermik isumaqatigiissummik Naalakkersuisut atorunnaarsitsinissaat pillugu piumasaqaammut saneqqussisinnaaneq inatsimmik allannguinerup aamma siunertaraa, taamatullu ilinniartut ineqarfiini najugaqartup ilinniakkap naammassineranit kingusinnerpaamik ullut qulit qaangiunneranni inimit anereersimanissaa aamma allanngortinneqarluni. Ilinniartut ineqarfiini ineqarunnaarneq peqqutigalugu Ilinniartup ilinniakkap naammassineranut atatillugu nalliuttorsiornermut peqataanngitsoortinneqarsinnaajunnaarnissaa allannguinerup qulakkiissavaa.
Kiisalu ilinniartup inoqutini peqatigalugit sungiusarluni suliartornerata nalaani imaluunniit ilinniarfimmut ilinniariartornerata nalaani ilinniartup inaata Naalakkersuisunut atugassanngortinneqartarnissaa inatsimmik allannguinerup aamma siunertaraa.
Ilinniartut ineqarfii pillugit Inatsisartut inatsisaannut allannguutissaq 1. januar 2024-mi atuutilersinneqassaaq.
Amerlanerusunik paasissutissinneqarusukkuit naalakkersuisumut allatsi, Rosa Thorsen attavigisinnaavat: rose@nanoq.gl imaluunniit oqarasuaat 34 57 02.