AtuartigukAqutsiveqarfimmi Nuummi sinerissap qanittuani qaleralittassat amerlineqarput
Nassiussisuuvoq: Aalisarnermut Piniarnermullu Naalakkersuisoqarfik
Novembarip pingajuanni 2023-mi aalajangerneqarpoq aqutsiveqarfimmi Nuummi ukiup naanissaanut aalisarsinnaanissaq qulakkeerniarlugu qaleralittassiissutit 300 tonsinik amerlineqassasut.
Aalisarnerup ukiup naanissaata tungaanut ingerlaannarnissaa qulakkeerniarlugu Naalakkersuisut Nuummi pisassiissutit septembarimi 2023-mi 200 tonsinik aamma ilavaat.
Paasinarsivorli ilassutigineqartut naammanngitsut, ukioq manna aalisarneq ukiup siulianut naleqqiullugu aalisarluartoqarnerummat.
Pisassiissutinik ilasineq sinerissap qanittuani aalisartunut kiisalu aqutsiveqarfimmi Nuummi sinerissap qanittuani aalisarnissamut periarfissaqarpa-llaanngitsumi tunitsivinni sulisoqarnermut iluaqutaassaaq.
Aqutsiveqarfimmut ukioq manna qaleralittaasiissutigineqartut 1.199 tonsiupput.
Paasissutissanik amerlanerusunik Aalisarnermut Piniarnermullu Naalakkersui-soqarfimmut APN@nanoq.gl-imut saaffiginnilluni pisoqarsinnaavoq.