AtuartigukAalisakkat assigiinngitsut 2024-mi TAC-at aalajangerneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut oktobarip 13-ianni 2023-mi aalisakkanut assigiinngitsunut 2024-mut TAC-at aalajangerpaat.
Kitaata avataani qaleralinnut TAC suli aalajangerneqanngilaq. Qalerallit nunatsinnut Canadamullu pisassiissutigineqartarput. Qalerallit pisassiissutigineqarnissaasa ataqatigiissarnissaannut Canada maannakkut utaqqimaarneqarpoq.
Tunumi qaleralinnut TAC 8.099,4 tonsiuvoq.
Tunumi suluppaakkanut TAC 4.508,5 tonsiuvoq. Suluppaakkat pillugit Islandilu 2023-p aasaagaa isumaqatiginninniaqqittoqarpoq, isumaqatigiissutigineqartoq naapertorlugu TAC aalajangerneqarpoq.
Tunumi tinguttuunut TAC 1.500 tonsiuvoq. Tinguttuut aalisariutaatileqati-giinnut saarullinniarnissamut akuersissutilinnut agguarneqarsinnaapput.
Tunumi tupissutinut TAC 1.000 tonsiuvoq, kitaani aamma 1.000 tonsiulluni.
Tunumi nataarnanut TAC 1.000 tonsiuvoq.
Kitaani qeeqqanut TAC-eqanngilaq. Pisarineqartulli pisarisuukkatut naatsorsuutigineqassapput.
Saarullinnut TAC ukioq manna kingusinnerusukkut aalajangerneqassaaq, Aqutsinermut pilersaarutip suliarineranut ilanngunneqassalluni.
Aalisakkanut 2024-mut TAC-it uani Naalakkersuisut.gl.mi atuarneqarsinnaapput: TAC aamma aalisakkanik pisassiissutit (naalakkersuisut.gl)
Annerusumik paasisaqarusuttut Aalisarnermut Piniarnermullu Naalakkersuisoqarfimmut saaffiginnissinnaapput. APN@nanoq.gl