Piniarfiit ilaanni sunngiffimmi tuttunniarneq oktobarip 31-anni unitsinneqarpoq

Aalisarnermut Piniarnermullu Naalakkersuisoqarfimmit matumuuna inussiarnersumik eqqaasitsissutigineqassaaq Piniarfik 2-mi (Sisimiut-Kangerlussuaq), Piniarfik 3-mi (Akia-Maniitsoq) aamma Piniarfik 4-mi (Ameralik) sunngiffimmi tuttunniarneq oktobarip 31-anni 2023-mi unitsinneqassammat. Piniarfinni pineqartuni sunngiffimmi tuttunniarneq taamaalilluni oktobarip 31-anni 2023-mi unnuap qeqqanut unitsinneqareersimassaaq.

APN-mit aamma eqqaasitsissutigineqassaaq inatsisit naapertorlugit piumasaqaataammat tuttunniarsimanermut akuersissutit tuttunniarnissamut piffissaliussap naareerneranit ullut 14-it qaangiutsinnagit utertinneqartussaammata, kommunit sullissiviinut pisanik nalunaaruteqaatigaluni utertinneqassallutik, pisaqarsimanngikkaluaraanniluunniit aamma utertinneqassallutik.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl