AtuartigukAppat zone 3, 4 aamma 5-imi piniagaanerat 1. november ammassaaq, ullormut pisassat tuniniaanermullu maleruagassat pillugit eqqaasitsissut
Nassiussisuuvoq: Aalisarnermut Piniarnermullu Naalakkersuisoqarfik
Appat piniarneqarsinnaanerinut piffissaliussat, ullormut pisassat aamma tuniniaanermut maleruagassat atuuttut Aalisarnermut Piniarnermullu Naalakkersuisoqarfimmiit matumuuna eqqaasitsissutigineqassapput, takuuk Timmissanik illersuineq piniarnerlu pillugit Namminersorlutik Oqartussat nalunaarutaat nr. 22, maajip 30-at 2023-meersoq. Ilanngullugu taateraat piniagaanerat zone 1 aamma 2-mi oktobarip 31-ani unissaaq.
Appanniarnermut piffissat piniarfiusut:
| Piniarfiit Zonit | Piniarfik 1 Zone 1 Aqutsiveqarfik Qaanaaq, Savissivik ilanngullugu |
Piniarfik 2 Zone 2 Aqutsiveqarfiit Upernavik aamma Uummannaq |
Piniarfik 3 Zone 3 Aqutsiveqarfiit Ilulissat aamma Nanortalik ilanngullugit |
Piniarfik 4 Zone 4 Aqutsiveqarfik Tasiilaq |
Piniarfik 5 Zone 5 Aqutsiveqarfik Ittoqqortoormiit |
| Piffissaq | 15.10 - 29.02 aamma 01.03 – 15.06 |
15.09 – 15.11 aamma 15.04 – 15.05 |
01.11 – 15.12 | 01.11 – 31.12 | 01.11 – 31.12 |
Appanniarnermi ullormut pisassat:
Inuussutissarsiutigalugu piniarnermut allagartallit:
Inuussutissarsiutigalugu piniarnermut allagartallit Piniarfik / Zone-ni tamani piffissami piniarfiusuni taaneqartuni ullormut piniarfiusumut appanik aamma appanik sigguttuunik ataatsimut katillugit amerlanerpaamik 20-nik pisaqaqqusaapput.
Sunngiffimmi piniarnermut allagartallit:
Sunngiffimmi piniarnermut allagartallit piniarfiit zone-ni tamani piniarfiusumi ullormut aallaaniarfiusumut appanik aamma appanik sigguttuunik ataatsimut katillugit amerlanerpaamik 3-nik pisaqaqqusaapput taamaallaallu nammineq atugassanik.
Upernaakkut piniarneq:
Zone 1-imi piffissami martsip aallaqqaataaniit juunip 15-iat ilanngullugu ullormut aallaaniarfiusumut appanik aamma appanik sigguttuunik ataatsimut katillugit amerlanerpaamik 5-inik pisaqaqqusaapput taamaallaallu nammineq atugassanik.
Zone 1-imi piffissami martsip aallaqqaataaniit juunip 15-iat ilanngullugu ullormut aallaaniarfiusumut appanik aamma appanik sigguttuunik ataatsimut katillugit amerlanerpaamik 3-inik pisaqaqqusaapput taamaallaallu nammineq atugassanik.
Taateraarniarnermi piffissat piniarfiusut:
| Piniarfiit Zonit | Piniarfik 1 Zone 1 Aqutsiveqarfik Qaanaaq, Savissivik ilanngullugu |
Piniarfik 2 Zone 2 Aqutsiveqarfiit Upernavik aamma Uummannaq |
Piniarfik 3 Zone 3 Aqutsiveqarfiit Ilulissat aamma Nanortalik ilanngullugit |
Piniarfik 4 Zone 4 Aqutsiveqarfik Tasiilaq |
Piniarfik 5 Zone 5 Aqutsiveqarfik Ittoqqortoormiit |
| Piffissaq | 01.09 - 31.10 aamma 01.03 - 31.03 | 01.09 - 31.10 aamma 01.03 - 31.03 | 01.09 -31.03 | 01.09 -31.03 | 01.09 -31.03 |
Taateraarniarnermi ullormut pisassat:
Piniarnermut allagartallit zone-ni tamani piffissami piniarfiusumi ullormut piniarfiusumut taateraat ataatsimut katillugit amerlanerpaamik 10-nik pisaqaqqusaapput.
Ullormut pisassat:
Ullormut pisassat ulluniit aallaaniarfiunngitsuniit imaluunniit ulluniit pisassat tamakkerneqarfiunngitsuniit sipaarneqaqqusaanngillat. Soorluttaaq ullunut tulliuttunut ullormut pisassat siumoortumik pisarineqaqqusaanngitsut. Ullormut pisassat namminermut tunngapput aamma allanut pisariteqqusaanngillat.
Timmissanik tuniniaaneq:
Inuussutissarsiutigalugu piniarnermut allagartallit taamaallaat timmissanik tuniniaaqqusaapput taamaallaallu nammineq aqutsiveqarfimminni tuniniaaqqusaallutik zone-t siuliani taaneqartut takukkit. Taassuma saniatigut timmissanik piffissami piniarfiusumi aqutsiveqarfiit iluanni taamaallaat tuniniaasoqaqqusaavoq taamaallaallu tuniniaavinni uumasut nakorsaqarfiannit akuerineqartuni, kalaalimineerniarfiit ilanngullugit.
Aqutsiveqarfiit nalunaarsorneri uani takuneqarsinnaapput.
Erseqqinnerusunik paasissutissat pillugit attavigiuk Amalie Jessen Aalisarnermut Piniarnermullu Naalakkersuisoqarfik, tlf.: 34 53 04, e-mail: amalie@nanoq.gl