AtuartigukAqutsiveqarfimmi Sisimiut sinerissap qanittuani saattuarniarneq unitsinneqassaaq
Nassiussisuuvoq: Aalisarnermut Piniarnermullu Naalakkersuisoqarfik
Aqutsiveqarfimmi Sisimiut, sinerissap qanittuani saattuarniarneq 27. oktober 2023-mi, nalunaaqutaq 23.59 unitsinneqassaaq, tamaani saattuartassiissutigineqartut nungulermata.
Taamaattumik ulloq tunitsiviusoq kingulleq tassaassaaq tallimanngorneq 27. oktober 2023, nalunaaqutaq 23.59. Ullormilu pineqartumi pullatit tamarmik aamma qaqinneqareersimassapput.
Annerusumik paasisaqarusukkuit Kalaallit Nunaanni Aalisarsinnaanermut Akuersissutinik Nakkutilliisoqarfik attavigineqarsinnaavoq, oqarasuaammut 34 50 00 imaluunniit e-mail gflk@nanoq.gl