AtuartigukInuusuttunut ilinniartitaaneq suliffissaqarnerlu pillugit ataatsimeersuartitsineq
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
2023-mi inuusuttunut nunaqarfimmeersunut illoqarfinnilu minnerneersunut ataatsimeersuartitsinermik ingerlatsisoqassasoq partiit 2023-mut aningaasanut inatsit pillugu isumaqatigiissutaat imaqarpoq. Inuusuttut ataatsimeersuartinnissaat pillugu partiit kissaataat qaammatini kingullerni pilersaarusiorneqarpoq, ataatsimeersuarnerlu Sisimiuni Taseralimmi ulluni 17.-18. oktober 2023-mi ingerlanneqartussami, inuusuttut 40 missaanniittut peqataassapput.
Inuusuttut nipaat tusarneqarnissaat aamma inuusuttut ilinniagaqarnermik aallartitsinngitsut imaluunniit suliffeqalinngitsut, inuusuttut amerlanerit qanoq ilillutik ilinniagaqarnissamut suliffittaarnissamulluunniit piareersimalernissaat pillugit oqariartuuteqarnissaq ataatsimeersuarnermi ukkatarineqassaaq. Partiit kissaatigaat sammisat marluk pillugit ilisimasat inuusuttuniit toqqaannartumik oqaatigineqassasut.
”Inuusuttut ataatsimeersuartinneqarnissaat partiiniit suliakkiutaavoq, Naalakkersuisut ingerlanneqarnissaat pillugu peqquneqarlutik, aamma naalakkersuisoqarfimma ataatsimeersuarneq pilersaarusiorpaa. Inuusuttut naalakkersuinermik ingerlataqartunut namminneq siunnersuutaat oqariartuutaallu tusassallugit assut pissagagivakka. Ataatsimeersuarnerup kingorna inuusuttut oqariartuutaat Naalakkersuisunut Inatsisartunullu saqqummiunneqarnissaat qilanaarivara. Inuusuttut ulluni marlunni angusaqarluarnissaannik kissaappakka, ilinniartitaanermut suliffissaqarnermullu atatillugu pisariaqartitsinertik malillugu aaqqissuussaq qanoq tulluarsarneqarnissaa pillugu oqariartuutiminnik saqqummiinissaminnut periarfissinneqarmata.” Isumaginninnermut, Ilaqutariinnermut, Suliffeqarnermut Nunamullu Namminermut Naalakkersuisoq, Jess Svane oqaaseqarpoq.
Inuusuttut partiinut oqariartuutaat ilaatigut meeqqanut atuarfimmiit ilinniartitaanermut suliffeqarnermullu ikaarsaarnerit pitsaanerusut pilersinnissaannut atorneqassapput.
Meeqqanut Inuusuttunullu Naalakkersuisoqarfik aamma Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik pilersaarusiornermittaaq akuupput.
Annertunerusumik paasisaqarniaruit attaveqarfigiuk naalakkersuisup allattaa Helene S. Pedersen e-mailikkut: hspd@nanoq.gl oqarasuaatikkulluunniit + 299 34 56 11
Inuusuttut nipaat tusarneqarnissaat aamma inuusuttut ilinniagaqarnermik aallartitsinngitsut imaluunniit suliffeqalinngitsut, inuusuttut amerlanerit qanoq ilillutik ilinniagaqarnissamut suliffittaarnissamulluunniit piareersimalernissaat pillugit oqariartuuteqarnissaq ataatsimeersuarnermi ukkatarineqassaaq. Partiit kissaatigaat sammisat marluk pillugit ilisimasat inuusuttuniit toqqaannartumik oqaatigineqassasut.
”Inuusuttut ataatsimeersuartinneqarnissaat partiiniit suliakkiutaavoq, Naalakkersuisut ingerlanneqarnissaat pillugu peqquneqarlutik, aamma naalakkersuisoqarfimma ataatsimeersuarneq pilersaarusiorpaa. Inuusuttut naalakkersuinermik ingerlataqartunut namminneq siunnersuutaat oqariartuutaallu tusassallugit assut pissagagivakka. Ataatsimeersuarnerup kingorna inuusuttut oqariartuutaat Naalakkersuisunut Inatsisartunullu saqqummiunneqarnissaat qilanaarivara. Inuusuttut ulluni marlunni angusaqarluarnissaannik kissaappakka, ilinniartitaanermut suliffissaqarnermullu atatillugu pisariaqartitsinertik malillugu aaqqissuussaq qanoq tulluarsarneqarnissaa pillugu oqariartuutiminnik saqqummiinissaminnut periarfissinneqarmata.” Isumaginninnermut, Ilaqutariinnermut, Suliffeqarnermut Nunamullu Namminermut Naalakkersuisoq, Jess Svane oqaaseqarpoq.
Inuusuttut partiinut oqariartuutaat ilaatigut meeqqanut atuarfimmiit ilinniartitaanermut suliffeqarnermullu ikaarsaarnerit pitsaanerusut pilersinnissaannut atorneqassapput.
Meeqqanut Inuusuttunullu Naalakkersuisoqarfik aamma Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik pilersaarusiornermittaaq akuupput.
Annertunerusumik paasisaqarniaruit attaveqarfigiuk naalakkersuisup allattaa Helene S. Pedersen e-mailikkut: hspd@nanoq.gl oqarasuaatikkulluunniit + 299 34 56 11