AtuartigukAnnikitsumik aatsitassarsiornissamut inatsisissaq pillugu paasissutissiilluni ataatsimiititsinissaq
Nassiussisuuvoq: Aatsitassanut Inatsisillu Atuutsinneqarnerannut Naalakkersuisoqarfik
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq annikitsumik aatsitassarsiornermut suliassaqarfimmi inatsisissaq nutaaq pillugu paasissutissiilluni innuttaasunut soqutiginnittunut ataatsimiinnissamut qaaqqusivoq.
Ataatsimiinneq ingerlanneqassaaq Hotel Hans Egede-mi sapaat ulloq 22. oktober nalunaaqutaq 10.00-imiit aammalu nalunaaqutaq 12 ulloqeqqasiornermik naggaserneqassalluni.
Annikitsumik aatsitassanut tunngasunik suliaqarneq pillugu inatsisissamut nutaamut siunnersuut, taaguutigalugu ”Najukkani aatsitassanut tunngasunik suliaqarnerit pillugit Inatsisartut inatsisaannut siunnersuut” tamanut ammasumik tusarniaassutigalugu nassiunneqaqqammersoq, pillugu Naalakkersuisoq paasissutissiissaaq.
Tamatuma kingorna inatsisissatut siunnersuummut apeqquteqarnissamut oqaaseqaateqarnissamullu periarfissaqassaaq.
Ataatsimiinnermi oqaaseqaatigineqartut inatsisip suliarineqarnerata ingerlaqqinnerani ilaatinneqassapput.
Peqataaniarluni nalunaarnissamut killigitinneqarpoq tallimanngorneq ulloq 20. oktober nalunaaqutaq 12, peqataaniarluni nalunaarut nassiunneqassaaq uunga asn@nanoq.gl. Peqataanissaq akeqanngilaq.