Piniarfiit ilaanni tuttunniarneq umimmanniarnerlu oktobarip 15-anni 2023-mi unitsinneqarpoq.

Aalisarnermut Piniarnermullu Naalakkersuisoqarfimmit matumuuna inussiarnersumik eqqaasitsissutigineqassaaq Piniarfik 1-imi (Naternaq), Piniarfik 5-imi (Qeqertarsuatsiaat), Piniarfik 6-imi (Qassit), Piniarfik 7-imi (Neria), Piniarfik 8-mi (Nuussuaq) aamma Piniarfik 11-mi inuussutissarsiutigalugu tuttunniarneq oktobarip 15-anni 2023-mi unitsinneqassammat. Piniarfinni pineqartuni inuussutissarsiutigalugu tuttunniarneq taamaalilluni oktobarip 15-anni 2023-mi unnuap qeqqanut unitsinneqareersimassaaq.

Piniarfinni pineqartuni sunngiffimmi tuttunniarneq septembarip 30-anni unitsinneqarpoq.

Inuussutissarsiutigalugu sunngiffimmilu umimmanniarneq aammattaaq oktobarip 15-ianni 2023-mi aqutsiveqarfinni Maniitsoq-mi Kangerlussuup eqqaani, Sisimiut-ni, Ittoqqortoormiit-ni kiisalu umimmaqarfinni Sigguk-mi aamma Naternaq-mi unitsinneqarpoq.

APN-mit aamma eqqaatitsissutigineqassaaq inatsisit naapertorlugit piumasaqaataammat tuttunniarsimanermut umimmanniarsimanermullu akuersissutit tuttunniarnissamut umimmanniarnissamullu piffissaliussap naareerneranit ullut 14-it qaangiutsinnagit utertinneqartussaammata, kommunit sullissiviinut pisanik nalunaaruteqaatigaluni utertinneqassallutik, pisaqarsimanngikkaluaraanniluunniit aamma utertinneqassallutik.


Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 06, e-mail: amalie@nanoq.gl