AtuartigukTunumi aalisarnerup ineriartortinneqarnissaanut nalunaarusiaq tusarniutigineqalerpoq
Nassiussisuuvoq: Aalisarnermut Piniarnermullu Naalakkersuisoqarfik
Tunumi aalisarnerup ineriartortinneqarnissaanut nalunaarusiaq ullumi, oktobarip 13-ianni 2023-mi tusarniutissanngorlugu nassiunneqarpoq.
Naalakkersuisut Tunumi aalisarnerup ineriartortinneqarnissaa pillugu suleqatigiissitamik 2022-mi pilersitsipput. Suleqatigiissitaq ukunanit ilaasortaaffigineqarpoq: Aalisarnermut Piniarnermullu Naalakkersuisoqarfik, KNAPK, Tunumi aalisartut, KONFIFA, Kommuneqarfik Sermersooq, Royal Greenland A/S aamma Arctic Prime Fisheries Aps. Tassaapput taakku ilaatigut suliakkerneqartut aalisarnerup ineriartortinneqarnissaanut suliaqaqqullugit.
Nalunaarusiaq Naalakkersuisut.gl-mi “Tusarniaanerit”-imi atuarneqarsinnaavoq.
Tunumi aalisarnerup ineriartortinneqarnissaanut nalunaarusiaq siumungaaq atorneqarsinnaasunngorlugu nalunaarusiaavoq siunertarineqarluni Tunup sinerissaata qanittuani aalisarnerup 2023-p tungaanut inerisarneqarnissaa.
Aalisarneq siuarsarneqassasoq taannalu akilersinnaasumik inuussutissarsiutaasinnaalissasoq. Tunumi aalisarnerup ineriartorneqarata imminut pilersuinerulernissamik aamma ilaqassasoq siunertaavoq, soorlu aamma suliffissanik amerlasuunik pilersitsisoqassasoq.
Aalisarnerup ineriartortinneqarnissaanut anguniakkat ilaatigut tassaapput: aalisarnerup pilersikkiartornerani misilittakkat, aalisaatinik pitsanngorsaaneq aamma aalisarnermilu aalisaatit, Tunumi aalisarnermi paasisat ilisimasallu ka-tersorneqarnerisa pitsanngorsarnissaat, tunisisarnerup ineriartortinneqar-nissaa, Tunumi aalisarnerup allaffissornikkut tunngavilersorneqarnerata pi-tsanngorsaavigineqarnissaa, Tunumi atortulersuutit pitsanngorsaavigineqar-nissaat, Tunumi sinerissap qanittuani aalisarnerup imminut akilersinnaasun-ngoriartortinneqarnissaa, aalisarnerup ineriartortinneqarnerata qulakkeerlugu timitalernissaanut aqutsisoqatigiinnik pilersitsinissaq, aamma aalisarnerup ineriartortinneqarneranut nutaaliornermillu suliniutinik pilersitsisoqassasoq.
Tasiilami isumasioqatigiinneq
Tasiilami aalisartut aalisarnerup ineriartornissanissaanut nalunaarummut akuliusimanissaat qulakkeerumallugu, Aalisarnermut Piniarnermullu Naalakkersuisoqarfiup aaqqissugaanik Tasiilami aalisartut isumasioqatigiissinneqassapput. Aalisarnerup ineriartortinneqarnissaanut nalunaarut isumasioqatigiittunut saqqummiunneqassaaq, isumasioqatigiinnermilu aalisartut nalunaarut pillugu isummersornissaminnut periarfissaqassallutik.
Tasiilami isumasioqatigiinneq oktobarip 22-anni aamma 23-anni pissaaq.
Tusarniaaneq novembarip pingajuannut 2023-mi killeqarpoq.
Tunumi aalisarnerup ineriartortinneqarnissaanut nalunaarusiaq uani atuarsinnaavat
Attavigineqarsinnaavoq Aalisarnermut Piniarnermullu Naalakkersuisoqarfik. APN@nanoq.gl