AtuartigukUtoqqaat anigugassaanngitsunillu nappaatillit, Covid-19-imut nualluummullu nalinginnaasumut influenza-mut akiuussutissinneqarnissaannut piffissanngorpoq!
Nassiussisuuvoq:
Ukioq qallivoq taamaapporlu aamma Covid-19-imut influenza-mullu tunillatsissinnaaneq. Covid-19 nunatsinnut takkutereerpoq tuniluunnerullu piffissami aggersumi annertusinissaa naatsorsuutigineqarluni.
Covid-19-imik influenza-millu tunillatsinneq utoqqarnut anigugassaanngitsunillu nappaatilinnut peruluutaasinnaavoq. Nappaatit anigugassaanngitsut tassaasinnaapput uummatikkut puatsigullu nappaatit imal. diabetes. Oqimaappallaat (BMI >35) akiuussutissinneqarnissamut aamma neqeroorfigineqarput.
Covid-19-imut influenza-mullu akiuussutissinneqarnissaq, piffissami qanittumi nuna tamakkerlugu neqeroorutaassaaq. Nittartakkami https://corona.nun.gl/ paasissutissanik, nunatsinni sumiiffinni assigiinngitsuni qaqugu akiuussutissiisorqanissaa, nappaatillu suut aarlerinaatilittut isigineqarnerat pillugit paasissutissanik sukumiinerunik pissarsissaatit.
Sap. ak. naanerani- oktobarip ulluisa 13-ianni 14-iannilu 2023, nal. 9-16 Nuummi akiuussutissiisoqassaaq. Tamanna pissaaq Dronning Ingridip Peqqissaaviani nakorsiartarfimmi.
Siornatigut akiuussutissinneqareersimagaluaruit imal. Covid-19-imik tunillatsissimagaluaruit imal. influenza-mik nualluuteqareersimagaluaruit, piffissap ingerlanerani akiuussutissat sunniutaarukkiartortarmata, virusillu coronamik influenzamillu napparsimalersitsisartut, ukiut tamaasa allanngorartuummata, akiuussutissinneqaqqinnissat pingaaruteqarpoq. Akiuussutissinneqaqqikkuit ukioq manna nappaatinut illersuutissaqarlualissaatit.
Nunatsinni Nakorsaaneqarfik, 12. oktober 2023
Covid-19-imik influenza-millu tunillatsinneq utoqqarnut anigugassaanngitsunillu nappaatilinnut peruluutaasinnaavoq. Nappaatit anigugassaanngitsut tassaasinnaapput uummatikkut puatsigullu nappaatit imal. diabetes. Oqimaappallaat (BMI >35) akiuussutissinneqarnissamut aamma neqeroorfigineqarput.
Covid-19-imut influenza-mullu akiuussutissinneqarnissaq, piffissami qanittumi nuna tamakkerlugu neqeroorutaassaaq. Nittartakkami https://corona.nun.gl/ paasissutissanik, nunatsinni sumiiffinni assigiinngitsuni qaqugu akiuussutissiisorqanissaa, nappaatillu suut aarlerinaatilittut isigineqarnerat pillugit paasissutissanik sukumiinerunik pissarsissaatit.
Sap. ak. naanerani- oktobarip ulluisa 13-ianni 14-iannilu 2023, nal. 9-16 Nuummi akiuussutissiisoqassaaq. Tamanna pissaaq Dronning Ingridip Peqqissaaviani nakorsiartarfimmi.
Siornatigut akiuussutissinneqareersimagaluaruit imal. Covid-19-imik tunillatsissimagaluaruit imal. influenza-mik nualluuteqareersimagaluaruit, piffissap ingerlanerani akiuussutissat sunniutaarukkiartortarmata, virusillu coronamik influenzamillu napparsimalersitsisartut, ukiut tamaasa allanngorartuummata, akiuussutissinneqaqqinnissat pingaaruteqarpoq. Akiuussutissinneqaqqikkuit ukioq manna nappaatinut illersuutissaqarlualissaatit.
Nunatsinni Nakorsaaneqarfik, 12. oktober 2023