AtuartigukTikaagullittassanit pisassiissutinik 2023-imi agguaasseqqinneq aappaat
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisup Kim Kielsenip Nunatta Kitaani qamutilissorluni tikaagullittassiissutinit 20-it ataatsimoorluni qoorortoorsorluni tikaagullittassanut nuunnissaat aalajangerpaa. Taamaasilluni Kitaani angallatit qamutilillit tikaagullittassaat maanna 52-it sinnerupput kiisalu umiatsiaararsortunut pisassat 64-ullutik, nuussaniit piniarneq oktobarip 13-anni 2023-miit atuutilissaaq.
Ataatsimoorluni piniarnermi piffissaq piniarfik peerneqarpoq, ukiup sinnera tikaagullinniartoqarsinnaalerpoq.
Tusagassiorfinnut decembarip 20-ianni 2022-mi nalunaarutini, Kitaani ukiumut tikaagullinnik tunngaviusumik pisassiissutit 164-it pillugit ilisimatitsissuteqartoqarpoq kiisalu 2022-miit pisassiissutinik 65-inik Kitaani nuussisoqarpoq. Ataatsimoorluni qoorortoorsorluni piniarnermi tikaagulliit 54-it pisassiissutigineqarput qamutilinnillu tuukkartalinnik piniarnermit 110-t pisassiissutigineqarlutik tunngaviusumik pisassiissutiniit.
Oktobarip qulingiluaani 2023-mi killiffittut paasissutisiarisai naapertorlugit Kitaani tikaagulliit 76-t ataatsimoorluni piniarnermi aamma qamutilinnik tuukkartalinnik piniarnermit tikaagulliit 38-it pisarineqarsimapput.
Tunumi pisassiissutit tamakkerlugit 20-upput aamma 2022-miit nuussat sisamaapput.
Tunumi tikaagulliit 14-it pisarineqarsimapput, pisassiissutinik qulit sinnerullutik. Aqutsiveqarfiit Ittoqqortoormiit aamma Tasiilaq akorniminni isumaqatigiissuteqassasut
Ittoqqortoormiinit Tasiilamut pisassiissutit sinnerisa ilaannik nuussinissamut
tunngasunik.
Malittaani kisitsisit tassaapput qamutilissortuniit umiatsiaararsortunut agguaateqqitat, taannalu isumaqarpoq ukiumoortumik pisassat decembarip 20-ani 2022-mi agguaanneqareersut allanngortinneqanngitsut.
Kitaani ataatsimoorluni qoorortoorsorluni pisassanik agguaasseqqinneq ima kinguneqarpoq:
| Nuutat | |
| Nunatta kitaa | 20 |
| Tamakkerlugit: | 20 |
Ataatsimoorluni tikaagullittat, Kitaa, oktobarip qulingiluaanni:
| Nunatta kitaa | Pisat |
| Qaanaaq | 0 |
| Upernavik | 6 |
| Uummannaq | 6 |
| Ilulissat | 6 |
| Qeqertarsuaq | 6 |
| Qasigiannguit | 1 |
| Aasiaat | 6 |
| Kangaatsiaq | 6 |
|
Sisimiut |
6 |
| Maniitsoq | 10 |
| Nuuk | 6 |
| Paamiut | 4 |
| Narsaq | 7 |
| Qaqortoq | 2 |
| Nanortalik | 3 |
| Tamakkerlugit |
76 |
Ataatsimoorluni tikaagullittat, Tunu oktobarip qulingiluaanni:
| Tunu | Pisat |
| Ittoqqortoormiit | 1 |
| Tasiilaq | 13 |
| Tamakkerlugit | 14 |
Kisitsisit allannguuteqarsinnaapput, nuussinerup nalaani pisanik nalunaaruteqartoqarsimasinnaammat.
Sukumiinerusumik paasisaqarusukkaanni attavigiuk immikkut siunnersorti Masaana Dorph, oqarasuaat 34 53 44, e mail: mado@nanoq.gl imal. Immikkoortortaqarfimmi pisortaq Amalie A. Jessen, tlf. 34 53 04, e-mail: amalie@nanoq.gl