AtuartigukAqutsiveqarfimmi Tunumi kapisilinniarneq oktobarip 15-ianni 2023 unitsinneqassasoq
Nassiussisuuvoq: Aalisarnermut Piniarnermullu Naalakkersuisoqarfik
Kalaallit Nunaanni Aalisarsinnaanermut Akuersissutinik Nakkutilliisoqarfik nalunaaruteqarpoq aqutsiveqarfimmi Tunumi sunngiffimmi aalisartut inuussutissarsiutigalugulu aalisartut kapisilinniarnerat oktobarip 15-ianni 2023-mi unitsinneqassasoq, pisassiissutit nungunneqalermata.
Kapisilinnut qassutit tamarmik aqutsiveqarfimmi pineqartumi kingusinnerpaamik ulloq aalisarnerup unitsinneqarfiani qaqinneqariissapput nalunaaqutaq 23.59 nallertinnagu.
KANUAANA aammaarluni kaammattuivoq aalisartut pisatik piaarnerpaamik nalunaarutigisassagaat.
KANUAANA-mit erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat, kingusinnerpaamik oktobarip 29-anni 2023-mi nalunaaruteqartoqassalluni.
Kingusinnerpaamik oktobarip 29-anni 2023-mi nalunaaruteqartoqanngippat, 2024-mi kapisilinniarsinnaanermut akuersissummik tunniussisoqartoqarsinnaanngilaq.
Kapisilittat pillugit paasissutissat amerlanerusut nittartakkami Sullissivik.gl-imi atuarneqarsinnaapput.
Annerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl
