AtuartigukSungiusarfik Aaqap illutassaanik nutaamik sanaartornissamut atugassanngortitsinerup akuerineqarnera
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Inersimasunut nunarput tamakkerlugu ulloq unnuarlu neqeroorutip Sungiusarfik Aaqap illutassaanik nutaamik sanaartornissamut aningaasanik atugassanngortitsinissaq pillugu Naalakkersuisut qinnuteqaataat Inatsisartut Aningaasaqarnermut Akileraartarnermullu Ataatsimiititaliaata tallimanngorneq ulloq 29. september 2023 akueraa.
Akuersissuteqarnermi isumaqatigiissutissat inaarutaasut maannakkut isumaqatigiissutigineqarsinnaalerput aammalu sanaartorneq tamatuma kinguninngua aallartinneqarsinnaalerluni. Illup nutaap taassuma tunniunneqarnissaa atulerneqarnissaalu 2025-p naanerani pissasoq naatsorsuutigineqarpoq.
Aaqap illutaani pingaarnermi aammalu immikkoortortaqarfiup aappaani maannakkut illutatigut atugassaritinneqartut, tikikkuminassutsinut innarluutilinnullu naleqquttuunissaanut maleruagassat pitsaassusissallu atuuttut naammassineqarsinnaanngillat. Taamaattumik najugaqartunik perorsaanikkut ineriartortitsinermik suliaqarneq naammaginanngitsunik atugassaqartitsiviusumik ingerlanneqarpoq.
Illutassamut nutaamut tassunga siunertaavoq tikikkuminassuseq ukkataralugu ulloq unnuarlu neqeroorummi najugaqartunut inissanik ullutsinnut naleqquttunik neqerooruteqarnissaq, kiisalu najugaqartunut atugassaritinneqartut pitsaasuunissaasa, toqqissisimanartuunissaasa angerlarsimaffippalaarnissaasalu qulakkeernissaat. Illu inersimasunut eqqarsartaatsimikkut ajoqutilinnut 15-inut ulloq unnuarlu neqeroorutaassaaq, tassunga atasumik sulisoqassalluni.
Nutaamik illutaarnerup kingunerisaanik illumi pingaarnermi inissat 8-t kiisalu immikkoortortaqarfiup aappaani inissat 3-t nuunneqarsinnaalissapput, Aaqami inissat ataatsimut katillugit inissanik 4-nik amerlineqassallutik. Illup pingaarnerup najugaqarfiujunnaarsinneqarnerani allaffissornermut peqqissaanermullu immikkoortortaqarfimmut illutatigut atugassarititaasut pitsanngorsarneqarsinnaalissapput, saniatigut inissat 4-t taakkua utaqqisuniittut ikilisinnissaannut iluaqutaassallutik.
Meeqqanut, Inuusuttunut, Ilinniartitaanermut, Kultureqarnermut Ilageeqarnermullu Naalakkersuisoq Aqqaluaq B. Egede oqarpoq:
”Sungiusarfik Aaqap nutaamik illutaqalernerani ulloq unnuarlu neqeroorummi najugaqartut atugarisaat pitsaanerulissapput, taamaalilluni pitsaasumik katsorsaanermik neqerooruteqarnissamut atugassaritinneqartut qulakkeerneqassallutik aammalu ulloq unnuarlu neqeroorummi najugaqartunut avatangiisit, najugaqartut sapinngisamik ajornartorsiutitaqanngitsumik inuusinnaalersinnaanerannut annertunerusumik tunngavissiissallutik.”
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Sungiusarfik Aaqap sanaartorfiunissaanut isumaqatigiissutissap isumaqatiginninniutigineqarneranni siunertarput angugatsigu aammalu Inatsisartut Aningaasaqarnermut Akileraartarnermullu Ataatsimiititaliaata aningaasassanik atugassanngortitsinissaq pillugu Naalakkersuisut qinnuteqaataat akuerimmassuk, nuannaarutigaara. Illup naammassinissaa aammalu najugaqartut iserterlutik nutsilernissaat qilanaaraara.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Akuersissuteqarnermi isumaqatigiissutissat inaarutaasut maannakkut isumaqatigiissutigineqarsinnaalerput aammalu sanaartorneq tamatuma kinguninngua aallartinneqarsinnaalerluni. Illup nutaap taassuma tunniunneqarnissaa atulerneqarnissaalu 2025-p naanerani pissasoq naatsorsuutigineqarpoq.
Aaqap illutaani pingaarnermi aammalu immikkoortortaqarfiup aappaani maannakkut illutatigut atugassaritinneqartut, tikikkuminassutsinut innarluutilinnullu naleqquttuunissaanut maleruagassat pitsaassusissallu atuuttut naammassineqarsinnaanngillat. Taamaattumik najugaqartunik perorsaanikkut ineriartortitsinermik suliaqarneq naammaginanngitsunik atugassaqartitsiviusumik ingerlanneqarpoq.
Illutassamut nutaamut tassunga siunertaavoq tikikkuminassuseq ukkataralugu ulloq unnuarlu neqeroorummi najugaqartunut inissanik ullutsinnut naleqquttunik neqerooruteqarnissaq, kiisalu najugaqartunut atugassaritinneqartut pitsaasuunissaasa, toqqissisimanartuunissaasa angerlarsimaffippalaarnissaasalu qulakkeernissaat. Illu inersimasunut eqqarsartaatsimikkut ajoqutilinnut 15-inut ulloq unnuarlu neqeroorutaassaaq, tassunga atasumik sulisoqassalluni.
Nutaamik illutaarnerup kingunerisaanik illumi pingaarnermi inissat 8-t kiisalu immikkoortortaqarfiup aappaani inissat 3-t nuunneqarsinnaalissapput, Aaqami inissat ataatsimut katillugit inissanik 4-nik amerlineqassallutik. Illup pingaarnerup najugaqarfiujunnaarsinneqarnerani allaffissornermut peqqissaanermullu immikkoortortaqarfimmut illutatigut atugassarititaasut pitsanngorsarneqarsinnaalissapput, saniatigut inissat 4-t taakkua utaqqisuniittut ikilisinnissaannut iluaqutaassallutik.
Meeqqanut, Inuusuttunut, Ilinniartitaanermut, Kultureqarnermut Ilageeqarnermullu Naalakkersuisoq Aqqaluaq B. Egede oqarpoq:
”Sungiusarfik Aaqap nutaamik illutaqalernerani ulloq unnuarlu neqeroorummi najugaqartut atugarisaat pitsaanerulissapput, taamaalilluni pitsaasumik katsorsaanermik neqerooruteqarnissamut atugassaritinneqartut qulakkeerneqassallutik aammalu ulloq unnuarlu neqeroorummi najugaqartunut avatangiisit, najugaqartut sapinngisamik ajornartorsiutitaqanngitsumik inuusinnaalersinnaanerannut annertunerusumik tunngavissiissallutik.”
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Sungiusarfik Aaqap sanaartorfiunissaanut isumaqatigiissutissap isumaqatiginninniutigineqarneranni siunertarput angugatsigu aammalu Inatsisartut Aningaasaqarnermut Akileraartarnermullu Ataatsimiititaliaata aningaasassanik atugassanngortitsinissaq pillugu Naalakkersuisut qinnuteqaataat akuerimmassuk, nuannaarutigaara. Illup naammassinissaa aammalu najugaqartut iserterlutik nutsilernissaat qilanaaraara.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl