Kunngikkormiutut Ataqqinassusillip, Prins Christiap, inuuissiornissaanut peqataasussat toqqarneqartut

Kalaallit marluk 18-nik ukiullit, Kunngikkormiutut Ataqqinassusillip, Prins Christiap inuuissiornissaanut peqataasussat toqqarneqarput.

Nunatsinnit peqataasussatut toqqakkat marluk tassaapput: Angititaq Motzfeldt, Narsaq aamma Ivalu Grønvold, Aasiaat.

- Attortisimaqaanga Kalaallit Nunaat ilanngussaammat uanga kalaaliuninnut tulluusimaarutingingakku takutitsilluarusuppunga. Ataqqinassusillip Prins Christiap naapinnissaa alutornassaqisoq kultoorip tungaatingut ingammik kunngikkormiut ataqqingaanni oqaluttuarisaanerup tungaatinut, Ivalu Grønvold oqarpoq.

Peqataasussap aappaa, Angititaq Motzfeldt, Qaanaami peroriartorpoq. Kunngissaq Frederik Qaanaarmiunut immikkut ittumik atassuteqarpoq, taamaattumik Qaanaarmiunit kingoqqisup, Angititaq Mozfeldtip, peqataanissaa toqqaasut tulluartippaat.

Prins Christian, oktobarip 15-ani 18-liissaaq. Ulloq malunnartinniarlugu Kunngikkormiut Christiansborg Slot-imi persuarsiorpalaartumik nerersuaartitsissapput. Inuusuttut Danmarkimeersut, Kalaallit Nunaanninngaanneersut Savalimmiuninngaanneersullu 200-nit amerlanerusut qaaqqusaapput.

Namminersorlutik Oqartussani Air Greenlandimilu ilinniartut peqataasussanik toqqaasuupput.

Namminersorlutik Oqartussat inuusuttut qinnuteqartut tamaasa qutsavigaat.

Air Greenland timmisartornissmut aningaasaliivoq. Namminersorlutik Oqartussat angalanermi unnuinernut aningaasartuutit akilissavaat.