AtuartigukIlinniartunut inissiat naammassiliivittut
Nassiussisuuvoq: Ineqarnermut Attaveqaasersuutinuullu NaalakkersuisoqarfikIneqarnermut Attaveqaasersuutinullu Naalakkersuisoq Erik Jensen sisamanngornermi ullaap tungaani ilinniartunut inissiassat Qaqortumiittut alakkarpai tassanilu ilaatigut sulisunut sanaartoqataasunullu oqalugiarluni.
”Ilinniartut ineqarfiinik naliginnaasunik sanaartorneq suliassaavoq annertooq aammalu inuiaqatigiinnut pingaaruteqartoq, taamaattumik suliassami killiffiup nalliuttorsiutiginissaa pingaaruteqarpoq aammalu nunatsinni ilinniartut ineqarnerannut tunngasutigut pitsanngorsaavigineqarnerat, kiisalu atugaasa pitsanngorsaavigineqarnerat nuannaarutigaara”, Erik Jensen ilaatigut oqarpoq.
Suliamut tunngatillugu peqataasut tamarmik qutsavigivai.
Qaqortumi kollegiat nutaat tassaapput Immikkoortoq 1-mik taaneqarsinnaasut, unalu qaammat iserterfigineqarsinnaalissapput ilinniartunullu 100-nut inissaqartitsillutik.
Sukumiinerusumik paasisaqarusukkuit Naalakkersuisup allattaa saaffigiuk, Thora M. Hansen, 345517 imaluunniit mail tmha@nanoq.gl