AtuartigukKitaata kujataani inuussutissarsiutigalugu kapisilinniartut kapisilinniarunnaassapput
Nassiussisuuvoq: Aalisarnermut Piniarnermullu Naalakkersuisoqarfik
Aqutsiveqarfimmi kitaata kujataani inuussutissariutigalugu aalisartut kapisilinniarnerat septembarip 15-ianni 2023-mi unitsinneqassaaq.
Kalaallit Nunaanni Aalisarsinnaanermut Akuersissutinik Nakkutilliisoqarfik nalunaaruteqarpoq aqutsiveqarfimmi kitaata kujataani inuussutissarsiutigalugu aalisartunut kapisilinniarneq septembarip 15-ianni 2023-mi unitsinneqassasoq, pisassiissutit nungunneqalermata.
Kapisilinnut qassutit tamarmik aqutsiveqarfimmi pineqartumi kingusinnerpaamik ulloq aalisarnerup unitsinneqarfiani qaqinneqariissapput nalunaaqutaq 23.59 nallertinnagu.
KANUAANA aammaarluni kaammattuivoq aalisartut pisatik piaarnerpaamik nalunaarutigisassagaat. Erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat.
Kingusinnerpaamik septembarip 29-anni 2023-mi nalunaaruteqartoqassaaq. Kingusinnerpaamik septembarip 29-anni 2023-mi kingusinnerpaamik nalunaaruteqartoqanngippat, 2024-mi kapisilinniarsinnaanermut akuersissummik tunineqartoqarsinnaanngilaq.
Kapisilittat pillugit paasissutissat amerlanerusut nittartakkami Sullissivik.gl-imi atuarneqarsinnaapput.
Inussiarnersumik inuulluaqqusillunga
Annerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl