AtuartigukSinerissap qanittuani saarullittassiissutit naleqqussaavigineqarput
Nassiussisuuvoq: Aalisarnermut Piniarnermullu Naalakkersuisoqarfik
Sinerissap qanittuani inuussutissarsiutigalugu aalisartunut saarullittassiissutit 700 tonsit sunngiffimmi aalisartunit aalisarneqartussanngortinneqarput.
Aalisarnermut Piniarnermullu Naalakkersuisoq Karl Tobiassen naliliivoq ukiup sinneranut pisariaqartinneqassasoq saarulliit 700 tonsit inuussutissarsiutigalugu aalisartut pisassaannit sunngiffimmi aalisartunut aalisarneqassasut, sunngiffimmi aalisartut aalisarsinnaajuaannarnissaat qularnaarniarlugu.
Naatsorsuutigineqarpoq inuussutissarsiutigalugu aalisartut pisassaannit sunngiffimmi aalisartunut 700 tonsit aalisarneqartussanngortinneqarpata ajornaquteqarnavianngitsoq, pisassiissutigineqartunit 6.011 tonsit suli aalisarneqanngimmata. Taakkunanit 5.000 tonsit ukiup sinnerani aalisarneqarsinnaasutut naatsorsuutigineqarpoq.
Sinerissap qanittuani 2023-mi saarullittassat 17.000 tonsiussasut Naalakkersuisut aaliangerpaat. Taakkunannga 1.000 tonsit sunngiffimmi aalisartartunit aalisarneqarsinnaallutik.
Aalisarnermut Piniarnermut Naalakkersuisup sinerissap qanittuani saarullinniarnermut 21.000 tonsit inuussutissarsiutigalugu aalisartunut pisassiissutigineqassasut aamma 1.300 tonsit sunngiffimmi aalisartunit pisassiissutigineqassasut aggustimi naleqqussarlugit aaqqiivigai.
Paasissutissat pillugit saaffigisassaq: Aalisarnermut Piniarnermullu Naalakkersuisoqarfik. APN@nanoq.gl
Aalisarnermut Piniarnermullu Naalakkersuisoq Karl Tobiassen naliliivoq ukiup sinneranut pisariaqartinneqassasoq saarulliit 700 tonsit inuussutissarsiutigalugu aalisartut pisassaannit sunngiffimmi aalisartunut aalisarneqassasut, sunngiffimmi aalisartut aalisarsinnaajuaannarnissaat qularnaarniarlugu.
Naatsorsuutigineqarpoq inuussutissarsiutigalugu aalisartut pisassaannit sunngiffimmi aalisartunut 700 tonsit aalisarneqartussanngortinneqarpata ajornaquteqarnavianngitsoq, pisassiissutigineqartunit 6.011 tonsit suli aalisarneqanngimmata. Taakkunanit 5.000 tonsit ukiup sinnerani aalisarneqarsinnaasutut naatsorsuutigineqarpoq.
Sinerissap qanittuani 2023-mi saarullittassat 17.000 tonsiussasut Naalakkersuisut aaliangerpaat. Taakkunannga 1.000 tonsit sunngiffimmi aalisartartunit aalisarneqarsinnaallutik.
Aalisarnermut Piniarnermut Naalakkersuisup sinerissap qanittuani saarullinniarnermut 21.000 tonsit inuussutissarsiutigalugu aalisartunut pisassiissutigineqassasut aamma 1.300 tonsit sunngiffimmi aalisartunit pisassiissutigineqassasut aggustimi naleqqussarlugit aaqqiivigai.
Paasissutissat pillugit saaffigisassaq: Aalisarnermut Piniarnermullu Naalakkersuisoqarfik. APN@nanoq.gl